«Ukraina pavinna navučycca pravodzić sumlennyja i zakonnyja vybary, tamu zadača № 1 siońniašniaha dnia — prademanstravać ukraincam, samim sabie, što my možam demakratyčnym šlacham pieradavać uładu. Ja dumaju, što heta pieršaradnaje zadańnie»,
— zajaviŭ prezident Ukrainy Viktar Juščanka 7 lutaha na vybarčym učastku ŭ Kijevie paśla hałasavańnia ŭ druhim tury vybaraŭ kiraŭnika dziaržavy.
«Dumaju, što ŭkraincam budzie soramna za svoj vybar, ale heta taksama demakratyja», — skazaŭ Juščanka.
Ukrainski prezident admoviŭsia adkazvać na pytańni šmatlikich žurnalistaŭ.
U pieršym tury hałasavańnia 17 studzienia Juščanka zaniaŭ piataje miesca, nabraŭšy 5,45% hałasoŭ. U druhi tur vyjšli lider apazicyjnaj Partyi Rehijonaŭ, były premjer-ministr Viktar Janukovič (35,32% hałasoŭ) i dziejny kiraŭnik urada Julija Cimašenka (25,05%).
