Słuchańni kryminalnaj spravy ŭ dačynieńni da kinarežysiora Alaksieja Turoviča pačnucca ŭ sudzie Frunzienskaha rajona Minska 9 lutaha. Čakajecca, što sudovy praces budzie prachodzić u zakrytym režymie.
Rasśledavańnie kryminalnaj spravy pravodziła prakuratura Frunzienskaha rajona. Turoviču vystaŭlena abvinavačańnie va ŭčynieńni złačynstvaŭ, praduhledžanych č. 2 art. 167 (hvałtoŭnyja dziejańni sieksualnaha charaktaru ŭ dačynieńni da zaviedama niepaŭnaletniaha), art. 168 (pałavyja znosiny i inšyja dziejańni sieksualnaha charaktaru z asobaj, jakaja nie dasiahnuła 16 hadoŭ) i č. 1 art. 169 (raspusnyja dziejańni ŭ dačynieńni da asoby, jakija zaviedama nie dasiahnuła 16 hadoŭ) Kryminalnaha kodeksa.
Pa spravie, raspačataj u dačynieńni da kinarežysiora 4 listapada 2009 hoda, u jakaści paciarpiełych prachodziać šeść chłopčykaŭ. Ustanoŭlena, što raspusnyja dziejańni ŭ ich dačynieńni abvinavačvany ŭčyniaŭ ź lutaha 2007 hoda pa krasavik 2009 hoda.
0
0
0
0
0
0
