Pra heta paviedamiŭ sakratar Centralnaj kamisii pa vybarach i praviadzieńni respublikanskich refierendumaŭ Mikałaj Łazavik.
Usiaho ŭ 367 akruhovych kamisij vyłučany 5.499 čałaviek. Bolš za ŭsio pradstaŭnikoŭ vyłučyli hramadskija arhanizacyi — 2.233. Hramadzianie šlacham zboru podpisaŭ vyłučyli 1.888 čałaviek, pracoŭnyja kalektyvy — 910.
Kamunistyčnaja partyja Biełarusi vyłučyła ŭ skład akruhovych kamisij 200 čałaviek, Biełaruskaja partyja levych «Spraviadlivy śviet» — 104,
Abjadnanaja hramadzianskaja partyja — 43, Biełaruskaja ahrarnaja partyja — 23, Libieralna‑demakratyčnaja partyja i Partyja BNF — pa 22, Sacyjał‑demakratyčnaja partyja narodnaj zhody — 14, Respublikanskaja partyja pracy i spraviadlivaści — 12, Biełaruskaja sacyjał‑demakratyčnaja partyja (Hramada) — 10, Biełaruskaja patryjatyčnaja partyja — 7, Biełaruskaja partyja «Zialonyja» — 6, Biełaruskaja sacyjalna‑spartyŭnaja partyja — 4, Biełaruskaja sacyjał‑demakratyčnaja Hramada — adnaho.
Hramadskaje abjadnańnie «Biełaja Ruś» vyłučyła 332 pradstaŭniki, Biełaruski respublikanski sajuz moładzi — 338, Biełaruski sajuz žančyn — 243, Biełaruskaje hramadskaje abjadnańnie vieteranaŭ — 252. Fiederacyja prafsajuzaŭ Biełarusi vyłučyła 851 čałavieka.
Akruhovyja vybarčyja kamisii pavinny być sfarmiravany prezidyumami abłasnych i Minskaha haradskoha savietaŭ deputataŭ i vykankamaŭ da kanca siońniašniaha dnia.
