Łatvija adnaviła svaju kankurentazdolnaść na suśvietnym rynku, što tłumačycca mierapryjemstvami pa źnižeńni zarobkaŭ,
havorycca ŭ dakładzie mižnarodnaha rejtynhavaha ahienctva Standard & Poor's.
«Zarobki surjozna urezanyja jak u hramadskim, tak i ŭ pryvatnym siektary. Jość šerah prykmietaŭ palapšeńnia ŭ eksparcie i pieraaryjentavańnia handlovaha siektara na źniešnija zapyty», — adznačaje analityk Standard & Poor's Frenk Hilijam.
Tak, zarobak u hramadskim siektary za hod źnižany prykładna na 45%, a ŭ pryvatnym — ad 5% da 30% u zaležnaści ad haliny,
zaznačyŭ Hilijam, dadaŭšy, što ŭzrovień zarobkaŭ u Łatvii zaraz vielmi kankurentazdolny, naprykład, u paraŭnańni z Polščaj.
Ekśpiert ličyć: niahledziačy na čakany ŭ hetym hodzie rost ekanomiki, VUP u cełym, chutčej za ŭsio, budzie jašče źnižacca.