U niadzielu vyśvietliłasia, u jakoj paśladoŭnaści pradstaŭniki roznych krain buduć vystupać na konkursie pieśni «Jeŭrabačańnie», jaki projdzie ŭ Osła ŭ traŭni hetaha hoda.
Padčas losavańnia taksama było vyznačana, jakija krainy buduć vystupać u pieršym, a taksama — u druhim paŭfinale, i ŭ jakoj častcy kancerta pradstaŭniki hetych krain vyjduć na scenu, paviedamlaje postimees.
Pradstaŭnik Biełarusi vystupić u druhoj častcy pieršaha paŭfinału, što projdzie 25 traŭnia.
Taksama ŭ pieršym paŭfinale vystupiać: Sierbija, Finlandyja, Rasija, Słavakija, Bośnija, Isłandyja, Małdova, Malta, Partuhalija, Makiedonija, Łatvija, Bielhija, Polšča, Ałbanija, Polšča.
U druhim paŭfinale, 27 traŭnia, vystupiać Šviejcaryja, Litva, Hruzija, Turcyja, Irłandyja, Słavienija, Šviecyja, Ukraina, Hałandyja, Bałharyja, Charvatyja, Danija, Azierbajdžan, Kipr, Rumynija, Izrail, Armienija.
Finał konkursu «Jeŭrabačańnie‑2010» projdzie 29 traŭnia.
Biełaruski ŭdzielnik «Jeŭrabačańnia‑2010» jašče nie vyznačany.
Pryjom zajavak skančajecca 15 lutaha. Potym śpiecyjalnaja fokus-hrupa razhledzić usie zajaŭki i abiare pradstaŭnika našaj krainy dla ŭdziełu ŭ konkursie. Adbycca heta pavinna nie paźniej za 10 sakavika. Budzie taksama vyznačany i reziervovy vykanaŭca.
Letaś pradstaŭniku Biełarusi na «Jeŭrabačańni» Piatru Jałfimavu nie ŭdałosia vyjści ŭ finał, jaki vyjhraŭ uradženiec Minska, narviežac Alaksandr Rybak. Najlepšy vynik Biełarusi na hetym konkursie pakazaŭ u 2007 hodzie Dźmitry Kałdun, jakomu ŭdałosia zaniać 6-je miescy ŭ finale.
