Siońnia milicyjaj byŭ zachopleny Dom Polski ŭ Iviancy (Vałožynski rajon Minskaj vobłaści).
Padčas abiedziennaha pierapynku, kali jaho kiraŭnička Taresa Sobal vyjšła z budynku, uvachody i vychady ŭ Dom Polski byli ačeplenyja milicyjaj.
Paśla hetaha ni Taresa Sobal, ni pradstaŭnik polskaj ambasady u budynak trapić nie mohuć.
Na dadzieny momant u budynku taksama znachodziacca kala dziesiaci pradstaŭnikoŭ nieaficyjnaha Sajuza palakaŭ Biełarusi. Milicyjanty pryviali sudovych vykanaŭcaŭ, jany apisvajuć majomaść. Adnačasova vystaŭlena varta na ŭvachodach, kab nie puskać siabroŭ SPB, jakija sprabujuć trapić usiaredzinu
Andrej Pačobut, jaki siońnia ŭžo byŭ zatrymany pa darozie ŭ Ivianiec, tak prakamientavaŭ hetyja padziei «NN»:
«Heta zachop. Niama nijakich jurydyčnych padstaŭ hetym dziejańniam uładaŭ. Taresa Sobal była zakonna pieraabranaja na pasadu staršyni».
18.50
Pierad Domam Polskim u Iviancy sabrałasia kala 30 siabroŭ nieaficyjnaha Sajuza palakaŭ Biełarusi. Andrej Pačobut paviedamlaje, što šmat ludziej z usiaho rehijonu zaraz jeduć padtrymać Taresu Sobal u Ivianiec. Čakajecca pryjezd staršyni SPB Anžaliki Borys.
Elektryčnaść u samim budynku na dadzieny momant adklučanaja. Što tam adbyvajecca -- nieviadoma.
Nahadajem, što 21-ha studzienia pravaliŭsia płan uładaŭ pa abrańni novaha, łajalnaha im, staršyni Doma Polskaha u Iviancy. Tady bliskučuju pieramohu na vybarach atrymała Taresa Sobal, jakaja padtrymlivaje nieaficyjny SPB na čale z Anžalikaj Borys.
***
Dom Polski ŭ Iviancy — heta pamiaškańnie byłoha ŭniviermaha, što stajaŭ zaniadbanym. Jon byŭ nabyty i adramantavany ŭ 2003 hodzie na hrošy arhanizacyi «Vspulnota polska».
