Dyrektar Biełaruskaha dziaržaŭnaha muzyčnaha teatra Alaksiej Isajeŭ pajšoŭ u adstaŭku. Novym kiraŭnikom pryznačany Alaksandr Piatrovič. Jaho aficyjnaje pradstaŭleńnie kalektyvu adbyłosia 5 lutaha.
Pra heta raspaviała baleryna Maja Jansan.
«5 lutaha nas sklikali na ahulny schod. Pryjechaŭ Uładzimir Karačeŭski z Upraŭleńnia kultury i pradstaviŭ nam našaha novaha dyrektara spadara Piatroviča. Nam paviedamili, što ŭ teatry buduć novyja pryznačeńni. My spadziajemsia na toje, što naša teatralnaje žyćcio źmienicca tolki da lepšaha, spadziajemsia na ŭznaŭleńnie hastrolnych pajezdak, na pastanoŭki novych śpiektaklaŭ. My spadziajemsia na cikavaha baletmajstra. Vielmi b chaciełasia, kab viarnułasia našaja darahaja Nina Dziačenka, jakaja była vymušanaja zvolnicca pa asabistych matyvach», — skazała Maja Jansan.
Pavodle nieaficyjnaj infarmacyi, Alaksiej Isajeŭ u siaredzinie studzienia sam paprasiŭsia ŭ adstaŭku. U Ministerstvie kultury jaho prośbu niečakana zadavolili.
Jak raspavioŭ načalnik adździeła mastactvaŭ Minharvykanama Uładzimir Ancipovič, novy dyrektar Alaksandr Piatrovič raniej pracavaŭ načalnikam upraŭleńnia kultury Minharvykankama, potym — u roznych miescach u śfiery kultury. Apošniaja pa časie praca — hałoŭny administratar u teatry opiery i baleta.
