Pierajmienavańnie parku da 65‑ch uhodkaŭ Pieramohi ŭ Vialikaj Ajčynnaj vajnie inicyjavaŭ staršynia Viciebskaha abłvykankama Alaksandr Kosiniec.

Pra hetaje rašeńnie było abvieščana na apošnim pasiadžeńni abłvykankama. Pryčym staršynia padkreśliŭ, što pra źmienu nazvaŭ vulicy Lenina i płoščy Lenina havorki niama — jany zastanucca.

Parkam imia Hieroja Savieckaha Sajuza Minaja Šmyrova — partyzanskaha kamandzira «baćki Minaja» — nakanavana stać nievialikamu skvieryku (4 hiektary) kala płoščy Lenina ŭ abłasnym centry. U skviery mieścicca miemaryjalny muziej M.F.Šmyrova.

Letaś haradskaja hazieta «Vićbičy» abviaščała konkurs na lepšuju nazvu prylehłaha ŭčastku skvieru — tam mierkavałasia stvaryć abjekt pad rabočaj nazvaj «Dziciačy patryjatyčny park». Hazieta pisała, što tut raźmieściacca kaviarnia, cir, placoŭki dla hulni ŭ valejboł, baskietboł i nastolny tenis, hazony, kvietniki, piešachodnyja darožki. Miarkujecca pasadzić roznyja drevy i kusty nakštałt jadłoŭcu i tui. A jašče tut zrobiać hladzielnuju placoŭku ź vidam na Dźvinu, a kala muzieju M. Šmyrova pastaviać vajennuju techniku i viertalot.

Nazvu prapanavaŭ i zaćvierdziŭ asabista spadar Kosiniec — konkurs nie pravodziŭsia.

Chacia prapanovy byli: da prykładu, staršynia abłasnoj supołki Partyi BNF Kastuś Smolikaŭ prapanavaŭ pierajmienavać skvier u honar piśmieńnika Uładzimira Karatkieviča — pomnik jamu staić taksama niedaloka ad muzieju M.F.Šmyrova.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?