Z 9 pa 17 lutaha Dziaržaŭtainśpiekcyja pravodzić u Minsku dekadu pad umoŭnaj nazvaj «Aŭtobus».

Pavodle infarmacyi DAI, u hety čas aktyvizujucca pravierki techničnaha stanu tralejbusaŭ, aŭtobusaŭ i maršrutnych taksi pry vypusku na liniju, a taksama na dyśpietčarskich stancyjach.

Dziaržaŭtainśpiekcyja papiaredžvaje, što pry vyjaŭleńni parušeńniaŭ zakanadaŭstva kiraŭniki i słužbovyja asoby buduć adkazvać zhodna z administracyjnym zakanadaŭstvam.

Pavodle infarmacyi DAI, u 2009 hodzie ŭ Minsku na 7,4% pavialičyłasia kolkaść darožna‑transpartnych zdareńniaŭ z paciarpiełymi pa vinie kiroŭcaŭ aŭtobusaŭ i maršrutnych taksi ŭ paraŭnańni z 2008 hodam.

8 lutaha na vulicy Łandara ŭ Minsku sutyknulisia dva maršrutnyja mikraŭtobusy. U vyniku kiroŭca adnoj z »maršrutak» i try pasažyrki, uklučajučy maleńkuju dziaŭčynku, atrymali traŭmy i ŭdary.

Asnoŭnymi parušeńniami, jakija dapuskajuć kiroŭcy «maršrutak», DAI nazyvaje: pieravyšeńnie chutkaści; prajezd na zabaranialny sihnał śviatłafora; parušeńnie praviłaŭ raźmiaščeńnia transpartnych srodkaŭ na prajeznaj častcy; pieravozka pasažyraŭ zvyš kolkaści ŭstanoŭlenych miescaŭ; vykarystańnie kiroŭcam padčas ruchu mabilnaha telefona.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?