Płan pryjomu ŭ VNU na biudžetnuju formu navučańnia sioleta pavialičany na 626 čałaviek. Jak paviedamili ŭ Ministerstvie adukacyi, usiaho ŭ VNU na navučańnie za košt srodkaŭ respublikanskaha biudžetu płanujecca pryniać 33.320 čałaviek.
Nabor budzie pavialičany na techničnyja, technika‑technałahičnyja, budaŭničyja i enierhietyčnyja śpiecyjalnaści, a taksama na śpiecyjalnaści, źviazanyja z atamnaj enierhietykaj i infarmacyjnymi technałohijami.
U VNU sistemy Minadukacyi nabor pavialičycca na 350 biudžetnych miescaŭ, MUS — na 200, departamienta pa avijacyi Mintransa — na 41.
Niekalki biudžetnych miescaŭ budzie dabaŭlena ŭ VNU, padparadkavanych Ministerstvu kultury i Ministerstvu sportu i turyzmu. Upieršyniu Akademii kiravańnia pry prezidencie sioleta vydzielena 15 biudžetnych miescaŭ na zavočnuju formu atrymańnia adukacyi.
Što da navučańnia na ŭmovach apłaty, to da pačatku ŭstupnaj kampanii kožnaja VNU vyznačyć kolkaść miescaŭ u miežach licenzii.
Ustupnaja kampanija pačniecca ŭ tyja ž terminy, što i ŭ 2009 hodzie. Z 5 pa 31 sakavika projdzie rehistracyja na prafiesijna‑psichałahičnaje sumoŭje dla pastupleńnia na asobnyja śpiecyjalnaści, a z 5 pa 30 krasavika — sumoŭje.
Letaś pryjom u VNU byŭ pavialičany na 2,8 tys. miescaŭ u paraŭnańni z 2008 hodam u suviazi z rostam kolkaści vypusknikoŭ ahulnaadukacyjnaj škoły z 90 da 99 tysiač. U minułym hodzie pryjom u VNU skłaŭ 94,2 tys. čałaviek, ź jakich 32,7 tys. pastupili na biudžetnuju formu atrymańnia adukacyi.
Na prachodžańnie centralizavanaha testavańnia ŭ 2009 hodzie zarehistravałasia bolš za 175 tys. čałaviek, pałova ź jakich — vypuskniki škoł, licejaŭ i himnazij biahučaha hoda, astatnija — vypuskniki PTV, SSNU i vypuskniki minułych hadoŭ.
