Na nastupnym tydni Jeŭraparłamient płanuje pryniać rezalucyju pa Biełarusi. Pra heta 15 lutaha paviedamiŭ žurnalistam u Varšavie staršynia parłamienta ES Ježy Buziek.
Buziek rascaniŭ napadki na nieaficyjny Sajuz palakaŭ na Biełarusi »iak nacisk na apazicyju ŭ krainie ŭ cełym, a nie adnu arhanizacyju». «Budučynia adnosinaŭ pamiž Biełaruśsiu i ES zaležyć u pieršuju čarhu ad staŭleńnia biełaruskich uładaŭ da apazicyi i demakratyčnych nacyjanalnych mienšaściej. Heta naš asnoŭny baromietr», — padkreśliŭ jon. Polski palityk zajaviŭ, što «Jeŭraparłamient zrobić usie mahčymyja zachady, kab sadziejničać spynieńniu nacisku na apazicyju ŭ Biełarusi».
Kamientujučy mahčymyja sankcyi ŭ dačynieńni da Biełarusi z boku ES, Buziek skazaŭ, što «heta nie budzie zroblena na praciahu hadziny». «U ES pavinna być reakcyja na kankretnuju infarmacyju. Budziem čakać reakcyi biełaruskich uładaŭ, jakuju ŭsio jašče možna čakać», — skazaŭ kiraŭnik Jeŭraparłamienta.
Buziek paviedamiŭ, što ŭ suviazi z hetaj situacyjaj jon znachodzicca ŭ pastajannym kantakcie ź viarchoŭnym pradstaŭnikom ES pa źniešniaj palitycy Ketryn Eštan.
Pres‑sakratar Eštan Łutc Hiulnier zajaviŭ, što Jeŭrakamisija zakłapočana ŭzmacnieńniem nacisku na polskuju mienšaść, jaki havoryć ab »rehresie ŭ adnosinach ES i Biełarusi».
