Aficyjny kurs dalara ZŠA biez uliku denaminacyj 1994 i 2000 hadoŭ 16 lutaha dasiahnuŭ 29.000.000 biełaruskich rubloŭ, a 17 lutaha składzie 29.050.000 rubloŭ.
Pa stupieni abiasceńvańnia nacyjanalnaj valuty da amierykanskaha dalara (z 1991 hoda)
Biełaruś zastajecca lideram siarod krain byłoha SSSR
— taki vynik praviedzienaha BiełaPAN analizu aficyjnych valutnych kursaŭ na 16 lutaha 2010 hoda biez uliku hrašovych reform.
Za Biełaruśsiu ŭ pieršaj piaciorcy raźmiaścilisia Turkmienistan — 7.125.000, Hruzija — 1.707.700, Uźbiekistan — 1.534.150 i Ukraina — 800.200.
Dalej iduć Tadžykistan — 436.710, Armienija — 76.266, Kazachstan — 74.040, Azierbajdžan — 40.165, Rasija — 30.221, Małdova — 12.739, Kyrhyzstan — 8.960.
Zamykajuć śpis dziaržavy Bałtyi: Litva — 250,78, Estonija — 114,59 i Łatvija — 103,4. Kurs dalara ŭ samaabvieščanaj Prydniastroŭskaj Małdaŭskaj Respublicy, jakaja maje ŭłasnuju valutu, biez uliku denaminacyi skłaŭ 9.000.000 rubloŭ.
Takim čynam, biełaruskaja valuta abiasceniłasia ŭ adnosinach da amierykanskaha dalara ŭ 4,1 razu bolš, čym valuta Turkmienistana, u 17 razoŭ — Hruzii, u 19 razoŭ — Uźbiekistana, u 36,2 razu — Ukrainy, u 66,4 razu — Tadžykistana, u 380 razoŭ — Armienii, u 392 razy — Kazachstana, u 722 razy — Azierbajdžana, u 960 razoŭ — Rasii, u 2.277 razoŭ — Małdovy, u 3.237 razoŭ — Kyrhyzstana, u 115.639 razoŭ — Litvy, u 253.067 razoŭ — Estonii i ŭ 280.464 razy bolš, čym valuta Łatvii. U vypadku z Prydniastroŭjem hetyja suadnosiny składajuć 3,2 razu.
Adznaku 1 młn. biełaruskich rubloŭ (biez uliku denaminacyj) aficyjny kurs dalara dasiahnuŭ 17 śniežnia 1998 hoda, 5 młn. — 11 maja 2000 hoda, 10 młn. — 12 vieraśnia 2000 hoda, 15 młn. — 26 kastryčnika 2001 hoda, 20 młn. — 3 krasavika 2003 hoda, 21 młn. — 16 vieraśnia 2003 hoda, 22 młn. — 13 śniežnia 2008 hoda, 26 młn. — 2 studzienia 2009 hoda, 27 młn. — 27 studzienia 2009 hoda, 28 młn. — 13 lutaha 2009 hoda, paśla čaho vahaŭsia, dachodziačy ŭ nižniaj kropcy da 27,1 młn. — ciapierašnich 2.710 rubloŭ (11 listapada).
