ŭ znak salidarnaści ź nieaficyjnym Sajuzam palakaŭ.
Milicyjanty i asoby ŭ cyvilnym nie dazvalali demanstrantam i reparcioram navat sabracca na Płoščy.
Paśla razhonu akcyi salidarnaści ŭ centry Minska siami čałaviekam udałosia viarnucca na płošču. Jany razharnuli bieł-čyrvona-bieły ściah i prynieśli z saboj raściažku «Za našu i vašu volnaść» u znak salidarnaści z Sajuzam palakaŭ.
Ich usich pabrali. Viadoma, što siarod ich byŭ hramadski aktyvist Pavieł Juchnievič.
Nabiehli ludzi ŭ cyvilnym i milicyjanty i taksama pahruzili ich u aŭtobus. Pavieźli ŭ RUUS i nieŭzabavie raspuścili.
Usiaho zatrymali i adpuścili biez składańnia pratakołu nie mienš za 28 čałaviek, u tym liku prynamsi niekalki vypadkovych dziaŭčat, što prachodzili pa Płoščy.
Pakul nie majem ułasnych fatazdymkaŭ z padziei, bo ŭ liku zatrymanych siońnia ŭviečary była i fotakarespandentka NN Julija Daraškievič.
Čatyry hady kožny miesiac 16‑ha dnia prachodzić akcyja ŭ padtrymku palitviaźniaŭ i siemjaŭ źnikłych.
U roznych haradach Biełarusi i zamiežža ludzi vychodziać na vulicy sa ściahami i partretami, kab pryzvać biełaruskija ŭłady da spynieńnia represij i da palityčnych źmienaŭ u krainie. Akcyja «Salidarnaści» maje na mecie nahadać hramadstvu, što ŭ Biełarusi ŭsio jašče jość viaźni sumleńnia: heta vaŭkavyskija pradprymalniki Mikałaj Aŭtuchovič i Uładzimir Asipienka, a taksama aktyvist «Maładoha Frontu» Arciom Dubski.
Taksama ŭ Biełarusi pa‑raniejšamu amal nie rasśledujucca spravy ab źniknieńni ŭ 1999‑2000 hh apazicyjnych lideraŭ Viktara Hančara, Juryja Zacharanki, Anatola Krasoŭskaha i žurnalista Dźmitryja Zavadskaha.
16 lutaha milicyja chadziła z ruparam pa płoščy i pramaŭlajuć, što z 23 lutaha budzie zabaroniena raśpićcio piva ŭ hramadskich miescach. I ni słova, jak tradycyjna, pra «niesankcyjanavanuju akcyju».
Žurnalisty na Płoščy vykazvali mierkavańnie, što heta zroblena śpiecyjalna, kab zvyčajnyja minaki nie dumali, što tut adbyvajecca palityčnaja akcyja.
