Siońnia padčas Akcyi salidarnaści na Kastryčnickaj płoščy Minska padčas vykanańnia svaich žurnalisckich abaviazkaŭ była zatrymana fotakarespandentka «NN» Julija Daraškievič.
Julija Daraškievič i Jaŭhien Afnahiel u aŭtobusie paśla zatrymańnia na akcyi 16 lutaha, photo.bymedia.net
Julija Daraškievič — łaŭreat premii rasijskaha 1-ha kanała «Za žurnalisckuju mužnaść i prafiesijanalizm».
Ludzi ŭ maskach kamunalščykaŭ sačyli za padziejami la budynka i apieratyŭna dakładvali abstanoŭku. Fota Julii Daraškievič u Vałožynie, 15 lutaha.
Jaje zatrymaŭ čałaviek u cyvilnym, jaki pradstaviŭsia «praparščyk Ihnaćjeŭ». Inšy čałaviek u cyvilnym, zajaviŭ, nibyta Julija Daraškievič udaryła jaho. U jaje zabrali žurnalisckaje paśviedčańnie.
Paśla hetaha žurnalistku advieźli ŭ Centralny RUUS, dzie apisali rečy i pratrymali try hadziny. Paśla hetaha ź jaje ŭziali tłumačeńnie i adpuścili.