Siońnia, 17 lutaha, Siejm Respubliki Polšča pryniaŭ śpiecyjalnuju zajavu ŭ spravie parušeńnia pravoŭ čałavieka ŭ Biełarusi.

U joj, u pryvatnaści, havorycca, što Siejm «asudžaje dziejnaść biełaruskich uładaŭ, skiravanuju suprać pradstaŭnikoŭ arhanizacyi polskaj nacyjanalnaj mienšaści i zaklikaje Biełaruś šanavać pravy čałavieka i hramadzianina.

Na praciahu apošnich miesiacaŭ ułady Respubliki Polšča mnoha zrabili dziela intensifikacyi dyjałohu z Respublikaj Biełaruś. Hetyja dziejańni vynikali ź pierakanańnia, što supolny intares Polščy, Jeŭrasajuzu, ale pieradusim samoj Biełarusi, palahaje ŭ pieraadoleńni samaizalacyi, u jakoj kraina apynułasia ŭ vyniku aŭtakratyčnych dziejańniaŭ jaje ułady. U suviazi z novaj chvalaj represij suprać Sajuza palakaŭ u Biełarusi, a taksama aktyvistaŭ hetaj arhanizacyi, Sojm Polščy ličyć, što treba zadumacca pra viartańnie da palityki sankcyj suprać Biełarusi.

Sojm Polščy vykazvaje ŭpeŭnienaść, što

ŭzrovień supracoŭnictva Polščy i ES ź biełaruskimi uładami pavinien niepasredna zaležać ad uzroŭnia vykańnia hramadzianskich pravoŭ u Biełarusi.
Sojm vykazvajecca za pryniaćcie polskimi uładami rašeńniaŭ, skiravanych na padtrymku biełaruskaj hramadzianskaj supolnaści, u tym liku na pavieličeńnie finansavych vydatkaŭ na dziejnaść niezaležnych miedyjaŭ, asabliva televizii „Biełsat“. Dapamoha pavinna trapić da niezaležnych hramadskich arhanizacyjaŭ, jakija zaznajuć cisk, u tym liku da Sajuza palakaŭ. Zaklik Sojmu Polščy jość vynikam pierakanańnia, što
ŭłady Respubliki Biełaruś svaimi represijami ŭ dačynieńni da arhanizacyi polskaj nacyjanalnaj mienšaści parušajuć asnoŭnyja čałaviečyja i hramadzianskija pravy, jakija źjaŭlajucca padmurkam sučasnaj Jeŭropy. Tym samym ułady Biełarusi adkidajuć dapamohu achviaravanuju im da hetaha času praz Polšču, a taksama asudžajuć siabie na dalejšuju palityčnuju izalacyju
».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?