Vizit u Biełaruś delehacyi deputataŭ Jeŭrapiejskaha parłamienta z metaj kansultacyj pa pytańni farmatu ŭdziełu Biełarusi ŭ parłamienckim vymiareńni «Uschodniaha partniorstva» (JEŬRANIEST) zapłanavany na 26‑27 lutaha.

Pra heta paviedamiŭ supracoŭnik pradstaŭnictva Jeŭrasajuza ŭ Biełarusi i Ukrainie Ramunas Janušaŭskas.

«Płanujecca, što heta budzie delehacyja z čatyroch parłamientaryjaŭ. Abmiarkoŭvajecca mahčymaść sustreč delehataŭ z pradstaŭnikami MZS Biełarusi, členami Nacyjanalnaha schodu, a taksama pradstaŭnikami palityčnych partyj i niedziaržaŭnych abjadnańniaŭ», — raskazaŭ dypłamat. Jon rastłumačyŭ, što farmat sustreč udakładniajecca: «Ciapier my čakajem detalovaj reakcyi biełaruskaha boku».

Kožny z udzielnikaŭ delehacyi budzie pradstaŭlać adnu z asnoŭnych frakcyj Jeŭraparłamienta: pravacentrystaŭ, libierałaŭ, sacyjał‑demakrataŭ i «zialonych».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?