Klučavyja napramki biełaruska‑iranskaha supracoŭnictva byli abmierkavany na sustrečy ŭ Tehieranie ministra zamiežnych spraŭ Biełarusi Siarhieja Martynava z prezidentam Isłamskaj Respubliki Iran Machmudam Achmadziniežadam.
Kiraŭnik biełaruskaha źniešniepalityčnaha viedamstva naviedvaŭ Isłamskuju Respubliku Iran 16‑17 lutaha. Adbylisia jaho pierahavory sa staršynioj Schodu isłamskaha savieta (parłamienta) Ali Ardziešyram Łarydžani, kiraŭnikom Administracyi prezidenta Irana Esfandźjaram Rachimam Mašai.
Aktualnyja pytańni dvuchbakovaha handlova‑ekanamičnaha ŭzajemadziejańnia, chod realizacyi najvažniejšych sumiesnych biełaruska‑iranskich prajektaŭ byli ŭ centry ŭvahi na sustrečach Siarhieja Martynava ź ministram handlu Irana Miechdzi Hazanfary i ministram nafty Masudam Mir‑Kaziemi.
U čas vizitu adbylisia taksama pierahavory kiraŭnika biełaruskaha źniešniepalityčnaha viedamstva ź iranskim kaleham Manučechram Mataki, na jakich abmierkavany aktualnyja temy dvuchbakovaha supracoŭnictva i mahčymaści naroščvańnia ŭzajemadziejańnia ŭ šmatbakovym farmacie. Adbyłasia sustreča Siarhieja Martynava ź ministram pramysłovaści i šacht Irana Ali Akbaram Miechrabjanam, na jakoj razhledžany chod realizacyi sumiesnych biełaruska‑iranskich prajektaŭ u pramysłovaj śfiery.
