Z‑za strajku 22—25 lutaha, pra jakuju abviaściŭ prafsajuz piłotaŭ Vereinigung Cockpit, kiraŭnictva avijakampanii Lufthansa prahnazuje napružanuju situacyju ŭ niamieckich aeraportach.
U suviazi z hetymi abstavinami pasažyram, jakija ŭžo zabraniravali bilety na rejsy z 22 pa 25 lutaha, prapanujecca biaspłatna ich pierabraniravać u vypadku, kali jany zachočuć źmianić svaje płany. Kali bilety byli kupleny da 18 lutaha, novyja mahčymyja daty palotu—da 31 sakavika, pry hetym zachoŭvajucca punkty vyletu i prylotu.
Kali ž pajezdka ŭ inšyja daty pa jakich‑niebudź pryčynach niemahčymaja, pasažyry mohuć anulavać bilety biez štrafnych sankcyj i dadatkovych zboraŭ.
Pasažyram, jakija płanavali ździejśnić ŭnutrany pieralot, Lufthansa rekamienduje skarystacca pasłuhami čyhunki. Dla hetaha jany pavinny abmianiać elektronny bilet na vaŭčar u aŭtamatyčnych check‑in terminałach avijakampanii. Taksama pasažyry mohuć kupić čyhunačny bilet pa maršrucie pieralotu, a zatym pradjavić jaho ŭ pradstaŭnictvach Lufthansa, kab viarnuć hrošy za avijabilet.
0
0
0
0
0
0
