Viarchoŭny sud admoviŭ zasnavalnikam BCHD u pazovie suprać Ministerstva justycyi. Sudździa Valancina Kulik abviaściła, što rašeńnie Miniusta ab nierehistracyi partyi było zakonnym.
Sustaršynia arhkamiteta pa stvareńni BCHD Pavał Sieviaryniec paviedamiŭ, što, mahčyma, zasnavalniki pojduć jašče na adzin,
treci pa liku, ustanoŭčy schod.
Jon moža adbycca ŭ krasaviku‑traŭni.
U zali suda prysutničali pradstaŭniki pasolstvaŭ ZŠA, Niamieččyny. Sustaršyni BCHD aburalisia, što ich nie prapuścili ŭ sudovuju zalu, choć jany nie spaźnilisia, a pryjšli za dźvie chviliny da pačatku.
«Prysud palityčny. Viarchoŭny sud i Ministerstva justycyi, jak i orhany milicyi, źjajaŭlajucca pryvadnymi pasami dziaržaŭnaj mašyny. Siońniašni režym baicca Biełaruskaj chryścijanskaj demakratyi. Litaralna hadzinu tamu my prezientavali śpis kandydataŭ u deputaty na miascovyja vybary ad BCHD prykładna z 200 asobaŭ. Nie prajšło j hodu ad stvareńnia partyi, a ŭ nas užo adzin z samych vialikich śpisaŭ. Heta pałochaje ŭłady, i tamu prysud byŭ pradkazalny», - zajaviŭ Pavieł Sieviaryniec.
