Biełarusy stali radziej chvareć na zachvorvańni, jakija pieradajucca połavym šlacham. Adnak, kali vy majecie try ci bolej seksualnyja partniory na hod, vy taksama ŭ hrupie ryzyki, kab padchapić prancy ci zastacca biaspłodnym paśla chłamiedyjozu.
«Epidemijałahičny stan u Biełarusi ŭ apošnija hady staŭ maksimalna spryjalny, i my adznačajem źmianšeńnie prykładna na 10% kolkaść zarehistravanych infiekcyj z 1996 hoda. — kamientuje Iryna Šymanskaja, hałoŭny pazaštatny dermatavienierołah Minzdroŭja, na pres‑kanfierencyi 18 lutaha.
«Paśla raspadu SSSR naša respublika, jak i ŭsie postsavieckija krainy, pieražyła padjom kolkaści zachvorvańniaŭ na prancy i inšyja chvaroby, jakija pieradajucca połavym šlacham. Bolš za adzin 1% nasielnictva pierachvareŭ na prancy z 1986 pa 2000 hod».
Kolkaść vypadkaŭ zachvorvańnia na prancy za 2009 hod skłała 18,0 na 100 tysiač nasielnictva.
Najbolej vypadkaŭ hetaj chvaroby zafiksavana ŭ Viciebskaj i Homielskaj vobłaściach (29,8 i 27,6 na 100 tysiač nasielnictva). U paraŭnańni z 2008 nievialiki rost kolkaści zachvorvańnia nazirajecca taksama ŭ Hrodzienskaj na 2,9% i Mahiloŭskaj na 9,5% vobłaści. Iryna Šymanskaja padčas pres‑kanfierencyi 18 lutaha, zaznačyła, što hetyja ličby niepasredna źviazany ź mihracyjaj na pracu ŭ Rasiju i inšyja krainy.
Akramia mihrantaŭ, dalnabojščykaŭ, źniavolenych, «pracoŭnych» seks‑industryi, u hrupu ryzyki pa zachvorvańniach, jakija pieradajucca połavym šlacham, uvachodziać taksama maładyja ludzi ad 18 da 25 hadoŭ. Asabliva, kali jany majuć «seksualna‑ryzykovyja» pavodziny: majuć try i bolej seksualnych partnioraŭ na hod. Tamu maładym ludziam patrebna asabliva ŭvažliva sačyć za svaim zdaroŭjem i nie lenavacca prachodzić abśledavańnie jak minimum raz na hod.
U cełym kolkaść zarehistravanych infiekcyj repradukcyjnaha traktu ŭ 2009 hodzie skłała 149.492 vypadkaŭ,
ci 1.575,8 na 100 tysiač nasielnictva. Treba zaŭvažyć, statystyka ŭličvaje tolki vypadki zarehistravanyja dziaržaŭnymi ŭstanovami.
Chvoryja, jakija prachodziać kurs lačeńnia ŭ kamiercyjnych miedycynskich centrach statystykaj Minzdaroŭja pakul nie ŭličvajucca.
Iryna Šymanskaja zaznačaje, što źnižeńnie zachvorvańniaŭ infiekcyjami, jakija pieradajucca pałavym šlacham, źjaŭlajecca na siońnia aktualnaj zadačaj achovy zdaroŭja, pakolki takija infiekcyi majuć surjoznyja nastupstvy ŭ vyhladzie repraduktyŭnych uskładnieńniaŭ ( u tym liku biaspłodnaści) i pavyšajuć ryzyku złajakasnych novaŭtvareńniaŭ močapałavych orhanaŭ.
