Na sajce experty.by padviali muzyčnyja vyniki 2009 hoda. Uznaharody ŭručyli 18 lutaha ŭ minskaj straŭni «Kamianica».
Sioletniaje ŭručeńnie premij prachodziła pa-biełarusku. Prynamsi, viadoŭca Źmicier Biezkaravajny adhuknuŭsia na prapanovu adnaho z ekśpiertaŭ sajta Siarhieja Budkina biełarusizavać farmat mierapryjemstva. Padtrymali, praŭda, nie ŭsie.
Čatyry ź dzieviaci ŭznaharod atrymaŭ hurt The Toobes.
Ich albom «Hello» pieramoh u naminacyjach «debiut», «rok-albom», «lepšy albom», a taksama pa viersii vialikaha žury.
Siarhiej Budkin aburyŭsia tamu, što ŭdzielniki hurtu nie mohuć i dvuch słoŭ źviazać na biełaruskaj movie i admaŭlajucca navat razumieć pa-biełarusku. «My havorym muzykaj. Słuchajcie nas», — postfaktum adkazaŭ ekśpiertu adzin z muzykaŭ.
«Pryhožyja žančyny śpiavali niepryhožyja pieśni», — tak acharaktaryzavaŭ usiu sutnaść pop-muzyki za minuły hod krytyk Źmicier Padbiarezski. I ŭručyŭ uznaharodu ŭ naminacyi «lepšy pop-albom» mužčynskamu duetu Atlantika.
Letaś amal nie vyjšła folkavych albomaŭ. Tamu adpaviednuju naminacyju było vyrašana adkłaści. Ale jaje kampiensavali novaj — «lepšy biełaruskamoŭny albom». Pieramoh «Idyjatyzm» hurtu, jaki bolš nie isnuje, — «Hluki».
Ahulny śpis pieramožcaŭ pa naminacyjach vyhladaje tak:
Lepšy debiutny albom — The Toobes «Hello».
Lepšy pop-albom — Atlantika «Taboo».
Lepšy rok-albom — The Toobes «Hello».
Lepšy rekard-łejbł — «West Records».
Lepšy biełaruskamoŭny albom — «Hluki» «Idyjatyzm».
Pryz narodnych ekśpiertaŭ — CherryVata «ViaVanilla».
Pryz zamiežnych ekśpiertaŭ — Port Mone «Dip».
Pryz vialikaha žury — The Toobes «Hello».
Lepšy albom — The Toobes «Hello».