Niezaležny kubinski žurnalist Hiljerma Farynjas Ernandes i čaćviora źniavolenych abviaścili suchuju haładoŭku.

Pra heta paviedamlaje «Radyjo Marci», amierykanskaja radyjostancyja, jakaja viaščaje dla Kuby.

Pryčynaj dla abviaščeńnia suchoj haładoŭki, pavodle źviestak «Radyjo Marci», pasłužyła zatrymańnie niekalkich kubinskich apazicyjanieraŭ, jakija nakiroŭvalisia na pachavańnie Arłanda Sapaty Tamajo, jaki pravodziŭ ad pačatku śniežnia haładoŭku ŭ kubinskaj turmie i pamior raniej na hetym tydni.

Ernandes taksama nakiravaŭ list kubinskamu kiraŭniku Raulu Kastra, u jakim prainfarmavaŭ ab svajoj suchoj haładoŭcy i zapatrabavaŭ nieadkładna vyzvalić usich źniavolenych, jakija trapili ŭ turmy pa palityčnych matyvach.

Arłanda Sapata ŭvachodziŭ u lik 75 kubincaŭ, abvieščanych Havanaj «płatnymi ahientami ZŠA» i asudžanych u krasaviku 2003 hoda na roznyja terminy turemnaha źniavoleńnia, ažno da 28 hadoŭ, za sprobu zmovy suprać isnujučaha ładu.

Za apošnija hady kubinskija ŭłady vypuścili na svabodu bolš za dziesiatak dysidentaŭ, jakija pakutujuć ad surjoznych zachvorvańniaŭ. Aficyjna abvinavačvańni ź ich nie byli źniatyja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?