«Biełaruś płanuje vykarystoŭvać Aman dla prasoŭvańnia svajoj pradukcyi ŭ rehijonie», «Biełaruś razhladaje Aman ŭ jakaści važnaha partniora ŭ rehijonie», «Biełaruś i Aman padpisali pahadnieńnie pra stvareńnie savietu dziełavoha supracoŭnictva». Takija zahałoŭki źjavilisia siońnia ŭ biełaruskich ŚMI, jakija aśviatlajuć vizit biełaruskaj «parłamienckaj delehacyi» ŭ Aman.

Ale sam vizit, jak, ułasna, i sakavickaja cikavaść da hetaj arabskaj krainy ŭźnikła nievypadkova. Bližejšaj da temy budzie jašče adna cytata ź infarmacyjnych paviedamleńniaŭ: «Biełaruś zaprašaje Aman da ŭdziełu ŭ budaŭnictvie ŭ Biełarusi hatelaŭ siaredniaha kłasu dla stvareńnia nieabchodnaj infrastruktury da čempijanatu śvietu pa chakiei 2014 hodu». Taksama nievypadkova prync Sieid Fachd ben Machmud al-Said, što prymaŭ biełaruskich haściej, padziakavaŭ za cikavaść da raźvićcia adnosinaŭ.

Biełaruskaja delehacyja pryjechała ŭ Aman nie z pustymi rukami, a z tekstam ukazu № 93 ad 1 sakavika (rehistracyjny numar ŭ Nacyjanalnym rejestry pravavych aktaŭ № 1/11414), zhodna ź jakim A. Łukašenka pahadziŭsia pradać Amanu ŭ pryvatnuju ŭłasnaść ziamlu ŭ centry Minsku. Havorka idzie pra ziamielny ŭčastak (trykutnik) u miežach vulic Ja. Kupały – M. Bahdanoviča – r.Śvisłač (ciapier na hetym učastku raźmieščany vystavačny centr «Biełekspa»).

Ziamla pieradajecca va ŭłasnaść biez praviadzieńnia aŭkcyjonu za 10 młn dalaraŭ pad budaŭnictva ciaham 6 hadoŭ šmatfunkcyjanalnaha kompleksu, u tym liku inžyniernaj i transpartnaj infrastruktury. Finansavańnie prajektu voźmie na siabie Dziaržaŭny hienieralny reziervovy fond Amana.

Adnačasova ź ziamloj va ŭłasnaść zamiežnaj jurydyčnaj asoby «Aroł Propiertyz čatyry», jakaja pradstaŭlaje intaresy Amana, biazvypłatna piarojduć Nacyjanalny vystavačny centr «Biełekspa», 2-ja haradskaja kliničnaja balnica i budynak RUP «Minskenerha», jakija buduć vyzvalenyja praz 1–1,5 hodu paśla vypłaty ŭ biełaruski biudžet sumy ŭ 10 młn dalaraŭ. Praŭda, znosić zhadanyja budynki inviestaru daviadziecca za svoj košt.

Adnak

inviestaru daviadziecca zachavać raźmieščanyja na hetym ziamielnym učastku budynki najstarejšaha minskaha špitala, jakija źjaŭlajucca histaryčna-kulturnaj kaštoŭnaściu: (manastyrski korpus, dom invalidaŭ, dom sastarełych, haspadarčaja pabudova), a taksama Aleju Družby.

Razam z tym inviestar budzie vyzvaleny ad kampiensacyi strataŭ, pryniesienych adabrańniem ziamielnych učastkaŭ u ziemlekarystalnikaŭ i znosam raźmieščanych na ich abjektaŭ nieruchomaści, a taksama vysiečkaju drevaŭ i chmyźniakoŭ. Akramia taho, inviestar atrymaje peŭnyja padatkovyja i mytnyja ilhoty.

U pryvatnaści,

uradu Biełarusi dakumientam daručana ŭklučyć inviestycyjny prajekt «Budaŭnictva šmatfunkcyjanalnaha kompleksu ŭ h. Minsku ŭ miežach vulic Ja. Kupały – M. Bahdanoviča – r.Śvisłač» u pieralik inviestycyjnych prajektaŭ, jaki składaŭsia Kamisijaj mytnaha sajuzu dla prymianieńnia ilhot pa vyzvaleńni zamoŭcy i jaho kontrahientaŭ ad vypłaty mytaŭ padčas uvozu na mytnuju terytoryju Respubliki Biełaruś abstalavańnia, budaŭničych materyjałaŭ i inšych tavaraŭ u ramkach realizacyi prajektu.

Inviestaru budzie dadzienaje prava biez abmiežavańniaŭ ažyćciaŭlać prodaž pabudavanych kvateraŭ va ŭłasnaść biełaruskim i zamiežnym rezidentam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?