Palicyja dapytała ministra zamiežnych spraŭ Izraila Avihdora Libiermana pa padazreńni va ŭmiašańni ŭ chod sudovaha raźbiralnictva, a taksama ŭ parušeńni hramadskaha davieru.
Jak paviedamlajuć aficyjnyja krynicy, ministra dapytali ŭ ramkach rasśledavańnia, jakoje viadziecca suprać byłoha pasła Izraila ŭ Biełarusi Zejeva Ben‑Arje.
Paviedamlajecca, što havorka idzie
pra pieradaču Libiermanu ambasadaram u Minsku sakretnaj infarmacyi ab rasśledavańni suprać jaho.
U chodzie rasśledavańnia izrailskija pravaachoŭnyja orhany źviarnulisia praz ambasadu da svaich biełaruskich kaleh z prośbaj pradastavić hetyja źviestki.
Pasoł Zejeŭ Ben‑Arje pieradaŭ hetuju prośbu hienprakuratury Biełarusi, adnak zachavaŭ u siabie kopiju dakumienta. U chodzie vizitu Avihdora Libiermana ŭ Minsk u kastryčniku 2008 hoda
ambasadar pieradaŭ jamu, jak padazraje palicyja, sakretnuju infarmacyju, jakaja znachodziłasia ŭ jaho rasparadžeńni.
Jak adznačaje palicyja, Libiermana padazrajuć u tym, što jon prasovaŭ Bien‑Arje pa słužbovaj leśvicy ŭ MZS ŭ minułyja miesiacy.
