Hienieralnym prajekciroŭščykam kancertnaj zały dziciačaj fiłarmonii, jakuju zbudujuć na płoščy Svabody ŭ Minsku, źjaŭlajecca TAA «Trajpł».
U Minsku pačalisia pracy pa ŭźviadzieńni nulavoha cykła fundamienta budynka kancertnaj zały dziciačaj fiłarmonii. Vonkava budynak fiłarmonii budzie nahadvać Carkvu Śviatoha Ducha, na padmurkach jakoj i budujecca novy abjekt. U ekspłuatacyju fiłarmoniju majuć zdać u 2011 h., ciaham hetaha hodu płanujuć zbudavać «karobku» budynka. Abydziecca budoŭla pryblizna ŭ 20 młrd. rubloŭ.
Aŭtaram prajekta kancertnaj zały źjaŭlajecca architektar Siarhiej Bahłasaŭ, jaki kiravaŭ adnaŭleńniem Minskaj haradskoj ratušy. Zamoŭcam abjekta vystupaje KUP «Minskaja spadčyna», hienieralnym prajekciroŭščykam — TAA «Trajpł», hienieralnym padradčykam — AAT «Budtrest №1».





