Žurnalistku Irynu Chalip i jaje muža, kaardynatara «Chartyi'97» Andreja Sańnikava śledčy milicyi Partyzanskaha rajona dapytaŭ u kryminalnaj spravie,
jakuju raspačaŭ KDB pavodle paklopu na byłoha staršyniu homielskaha UKDB, jaki ciapier zajmaje anałahičnuju pasadu ŭ Haradzienskaj vobłaści — Ivana Karža.
Śledčy cikaviŭsia, ci pravodzili žurnalisckaje rasśledavańnie ŭ tak zvanaj «palaŭničaj spravie» Iryna Chalip i Andrej Sańnikaŭ. Pavodle hetaj spravy čatyroch vysokapastaŭlenych milicejskich čynoŭnikaŭ abvinavacili ŭ złoŭžyvańni słužbovym stanoviščam, brakańjerstvie i niezakonnym cisku na supracoŭnikaŭ KDB.
Iryna Chalip paviedamiła, što śledčy apytvaŭ jaje i muža pa daručeńni KDB. Jon zadaŭ niekalki farmalnych pytańniaŭ, u tym liku — jakoje dačynieńnie Andrej Sańnikaŭ maje da sajtaŭ «Chartyja'97» i «Biełaruski partyzan». Iryna ličyć, što metaj dopytu było nie znajści novyja fakty, a papiaredzić žurnalistaŭ, kab tyja nie zajmalisia pošukam materyjałaŭ u spravach, u jakich zamiašanyja supracoŭniki siłavych struktur.
26 lutaha śledčy prychodziŭ dadomu da Iryny Chalip i Andreja Sańnikava, kab źniać pakazańni, ale jaho nie puścili ŭ kvateru. Krychu paźniej praviali pieratrus na kvatery šef‑redaktarki «Narodnaj voli» Śviatłany Kalinkinaj. Nośbity infarmacyi śledčyja zabrali z saboj.
