«Va ŭsim śviecie robicca vielmi šmat namahańniaŭ pa praduchileńni zabrudžvańnia navakolnaha asiarodździa i straty bijaraznastajnaści. Adnak ahułam situacyja paharšajecca, — zajaviŭ Antonio Bruk, pradstaŭnik AAN u Biełarusi - Mienavita tamu, AAN zaklikaje adznačać «Mižnarodny hod bijaraznastajnaści» i prykłaści ŭsie namahańni da palapšeńnia situacyi»..
Hienieralnaja asambleja AAN u śniežni 2006 hoda abjaviła 2010 hod Mižnarodnym hodam bijaraznastajnaści. Antonio Bruk na pres-kanfierencyi ŭ Minsku 3 sakavika zaznačyŭ, što nie tolki ŭrady krainaŭ i AAN niasuć adkaznaść za abaronu navakolnaha asiarodździa i bijałahičnaj raznastajnaści. Usie arhanizacyi hramadzianskaj supolnaści pavinny rabić uniosak u hetuju spravu, u tym liku trebna padvyšać adukavanaść hramadzianaŭ pa hetych pytańniach.
Viktar Fiančuk, dyrektar Hramadskaha abjadnańnia «Achova ptušak Baćkaŭščyny» tłumačyć, što pieršapačatkova ŭ Biełarusi patrebna mianiać ahulnuju śviadomaść.
«My jašče nie razumiejem, što zaležym ad navakolnaha asiarodździa i vielmi źviazany ź bijaraznastajnaściu. Naša ekasistema daje prostyja i dziejsnyja miechanizmy vyrašeńnia našych prablem, navat hłabalnych.
Naprykład, źmianieńnie klimatu ŭ Biełarusi. Viadoma, što dla Biełarusi źmianieńni klimatu pryniasuć mocnyja, ale karotkaterminovyja apadki, buduć rezkija pachaładańni i paciapleńni, buduć zasuchi. My majem pytańnie: jak prystasavacca. U toj ža čas my zabyvajemsia, što ekasistemy, jakimi pryroda nas nadzialiła i jakija na ščaście my nie paśpieli całkam asvoić, dajuć prostyja rašeńni da hłabalnych klimatyčnych prablem.
Viadoma, što bałoty nazapašvajuć vializnyja masy vady. U zasušlivy pieryjad jany patrochu addajuć hetuju vadu, zhładžvajuć rezkija vahańni tempieratury, farmujuć mikraklimat, faktyčna jany stvarajuć dla nas usie ŭmovy dla žyćcia.
Razumieńnie taho, što toje, što my majem — heta našaje vyratavańnie, u ludziej jašče nie sfarmiravałasia. Adnoj rukoj my adnaŭlajem tyja bałoty, jakija asušvali ŭ minułym. A druhoj rukoj robim novyja prahramy, jakija zvodziać na nul usio stanoŭčaje, što my zrabili.
Važna ŭ hety hod bijaraznastajnaści, kab my, jak hramadstva, uśviadomili, što sapraŭdy bijaraznastajnaść — heta naša žyćcio, my nieparyŭna z hetym źviazanyja. Bijaraznastajnaść nieabchodna, kab my z vami vyžyli, a našy dzieci atrymali nieabchodnyja ŭmovy dla ŭstojlivaha isnavańnia.
Kožny hiektar bałota siońnia – harantyja budučaha našych dziaciej».
Pavodle dadzienych Suśvietnaha sajuza achovy pryrody pad pahrozaj źniknieńnia ŭ śviecie znachodziacca da 21% vidaŭ sysunoŭ, 30% amfibij, 12% ptušak, 28% reptylij, 37% presnavodnych ryb, 35% bieschrybietnych i 70% raślin.
Za apošniaje stahodździe na terytoryi Biełarusi źnikła kala 70 abaryhiennych vidaŭ raślin. U Čyrvonuju knihu Respubliki Biełaruś uniesiena 103 vidy chrybietnych žyviołaŭ i 85 vidaŭ bieschrybietnych, a taksama 274 vidaŭ raślin i hryboŭ.
Pa sučasnych acenkach navukoŭcaŭ, paroh dapuščalnaha ŭździejańnia na bijaśfieru składaje prykładna 1-2% antrapahiennaha spažyvańnia pieršasnaj pradukcyi bijaśfiery. Hety paroh u ciapierašni čas projdzieny, – sučasnaje spažyvańnie dasiahaje ŭzroŭniu 7-10%, ale bijaśfiera jašče moža viarnucca da ŭstojlivaha stanu. Adnak pry dalejšym roście ŭździejańnia na bijaśfieru jana stracić ustojlivaść, što pryviadzie da ciažejšych katastrafičnych nastupstvaŭ.
