U Łos-Andžełasie ŭ subotu viečaram byli ŭručanyja ŭznaharody «Załataja malina» za najhoršyja dasiahnieńni ŭ kinamastactvie.
Najhoršym filmam pryznana karcina «Transformiery», najhoršaj aktorkaj – Sandra Bałak, najhoršymi akciorami – tryjo ź filma pra hurt «Braty Džonas», najhoršym režysioram – Majkł Bej («Transformiery»).
«Załataja malina» ŭručajecca napiaredadni ŭručeńnia premij «Oskar», što projdzie siońnia ŭ Łos-Andžełasie ŭ noč na paniadziełak pa minskim časie.
Pazmahajecca za «Oskara» ŭ katehoryi «najlepšy karotkamietražny mastacki film» mastacki film «Dźviery» irłandskaha režysiora Chuanity Uiłsan.
Za asnovu siužeta pakładzieny «Manałoh pra cełaje žyćcio, napisany na dźviarach» — historyja z knihi «Čarnobylskaja malitva» Śviatłany Aleksijevič. Hieroj stužki — Mikałaj Kałuhin, u jakoha ad radyjacyi pamiraje dačka. Kab pachavać dziaŭčynku, hieroj vypraŭlajecca ŭ Čarnobylskuju zonu. U filmie źnialisia biełaruskija aktory Ihar Sihaŭ i Džuljeta Kazakievič-Hierynh.
BT (Pieršy nacyjanalny telekanał) pačnie žyvuju tranślacyju ŭ 03:30 ranicy.
0
0
0
0
0
0
