Upieršyniu ŭ historyi ajčynnaha telebačańnia na Pieršym kanale adbudziecca pramaja tranślacyja cyrymonii ŭručeńnia amierykanskaj kinapremii «Oskar», paviedamlaje pres-słužba Biełteleradyjokampanii.
8 sakavika telehledačy kanała zmohuć ubačyć usiu cyrymoniju całkam, pačatak ŭ 3.30. Dla tych, chto nie zmoža pahladzieć «Oskar-2010» nočču, u viačernim efiry 8 sakavika budzie pakazana televiersija šou. Kamientavać tranślacyju budzie kinakrytyk Ihar Sukmanaŭ.
82-ju pa liku cyrymoniju ŭručeńnia kinapremij «Oskar» amierykanskaja telekampanija ABC budzie tranślavać na bolš jak 20 krain. Viadučymi cyrymonii stanuć akciory Alek Bołduin i Styŭ Marcin.
Liderami pa liku naminacyj hetaha hoda stali film «Avatar» Džejmsa Kemierana i «Uładar bury» Ketryn Bihiełoŭ — kožnaja z hetych karcin pretenduje na dzieviać statuetak.
Taćciana Daraščonak, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
