Prezydent Litvy Dala Hrybaŭskajcie zaprasiła Alaksandra Łukašenku na ŭračystaści prymierkavanyja da Dnia niezaležnaści Litvy.
Pra heta sa spasyłkaj na krynicy ŭ litoŭskim MZS pieradała televizijnaja prahrama «Lietuvos ryto» televizija.
Uračystyja śviatkavańni 20-j hadaviny adnaŭleńnia niezaležnaści Litvy adbuducca 11 sakavika ŭ Vilni.
Paviedamlajecca, što
litoŭskija dyplamaty ŭžo pieradali Łukašenku asabistaje zaprašeńnie ad jaho litoŭskaj kalehi. Adkaz biełaruskaha kiraŭnika čakajecca ŭ paniadziełak.
Na minułym tydni aficyjnaja Vilnia vitała krok Hieneralnaj prakuratury Biełarusi, jakaja na prośbu litoŭskaha boku dapytała hienerała Ŭładzimiera Ŭschopčyka i pieradała pratakoł dopytu litoŭskamu boku. Uschopčyk kamandavaŭ Vilenskim harnizonam u časie padziejaŭ 13 studzienia 1991 hodu, kali savieckija vojski nakiravali tanki na demanstrantaŭ u Vilni, jakija patrabavali niezaležnaści. U vyniku supraćstajańnia tady zahinuła 14 čałaviek, kala tysiačy atrymali traŭmy roznaj ciažkaści.
Dala Hrybauskajcie dała pazytyŭnuju acenku hetamu žestu aficyjnaha Miensku. Pavodle litoŭskich ŚMI,
supraca biełaruskich uładaŭ u spravie Ŭschopčyka i stała padstavaj dla zaprašeńnia Łukašenki ŭ Vilniu.
