Piotr Nalič vyjhraŭ nacyjanalny konkurs, finał jakoha byŭ pakazany ŭ pramym efiry telekanała «Rasija-1» u niadzielu.«Muzyčny kalektyŭ Piatra Naliča» pradstavić Rasiju na konkursie pieśni «Jeŭrabačańnie-2010», jaki ŭ kancy maja adbudziecca ŭ stalicy Narviehii Osła. Nalič apiaredziŭ 24-och inšych kandydataŭ, siarod jakich byli vykanaŭcy piesień na udmurckaj movie hurt «Buranovskije babuški», Aleh Biezinskich, hurt «Alaska».
Usiaho dla ŭdziełu ŭ adboračnym turniry było padadziena bolš za tysiaču zajavak. Była siarod ich i kandydatura Dzimy Biłana, ale śpiavak pieradumaŭ i vyrašyŭ nie ŭdzielničać u konkursie. Pa vynikach paŭfinału 1-aha sakavika zastałosia 25 udzielnikaŭ. Piotr Nalič, jaki zasnavaŭ «muzyčny kalektyŭ» svajho imia, prasłaviŭsia, dziakujučy niezvyčajnym pieśniam i samarobnym klipam, jakija jon vykładvaje ŭ internet.
Rasija adnojčy pieramahała ŭ «Jeŭrabačańni». U 2008 hodzie heta zrabiŭ Dzima Biłan ź pieśniaj Believe. Paŭfinały i finał «Jeŭrabačańnia» projduć 25 i 27 traŭnia na Telenor Arena ŭ Osła.
Biełaruś na konkursie sioleta pradstavić hurt «3+2».
