Pakul svoj udzieł va ŭračystaściach z nahody 20-ch uhodkaŭ adnaŭleńnia niezaležnaści Litvy padćvierdzili – prezydent Łatvii Vałdzis Zatlers, Estonii – Tomas Chiendryk Ilves, Polščy – Lech Kačyński, Finlandyi – Tarja Kaaryn Chałanen, Słavienii – Daniła Ciurk.U Vilniu taksama prybuduć vykonvajučy abaviazki prezydenta Małdovy Michaj Himnu, śpikier parłamienta Hruzii David Bakradze, kiraŭnik ryksdahu Šviecyi Per Vesterberh.
Pavodle litoŭskich ŚMI, vielmi vierahodna, što ŭ śviatkavańniach budzie ŭdzielničać i novaabrany prezident Ukrainy Viktar Janukovič. Adnak, pakul jon nie padćvierdziŭ, što prybudzie ŭ Vilniu. 8 sakavika ŭ Litvie čakajuć, što aficyjny Minsk adkaža na zaprašeńnie, jakoje prezident Litvy Dala Hrybaŭskajcie dasłała Alaksandru Łukašenku. Litoŭskija dypłamaty ŭžo pieradali Łukašenku hetaje zaprašeńnie. Na śviatkavańnie taksama zaprasili i prezydenta Rasii Dźmitryja Miadźviedzieva. Jon, adnak, paviedamiŭ, što nia zmoža prybyć u Vilniu ŭ suviazi z udziełam u inšych mierapryjemstvach.
Zaprašeńni Miadźviedzieva i Łukašenki na Dzień niezaležnaści Litvy vyklikali krytyku z boku niekatorych palitykaŭ i hramadzkich dziejačoŭ. Jak padajuć litoŭskija ŚMI, na ŭračystaści, prymierkavanyja da 20-ch uhodkaŭ adnaŭleńnia niezaležnaści Litvy, bolšaść z zaprošanych zamiežnych delehacyjaŭ prybuduć 10 sakavika. Na viečar hetaha dnia ŭ Vilni zapłanavanyja pieršyja śviatočnyja mierapryjemstvy.
