Ministerstva handlu Biełarusi prapanuje ŭnieści šerah dapaŭnieńniaŭ u zakon ab rekłamie. Pra heta na pres‑kanfierencyi 10 sakavika paviedamiła namieśnik ministra handlu Iryna Narkievič.

«Mnohich hramadzian chvaluje pytańnie hučnaści rekłamnych rolikaŭ na telebačańni», — adznačyła jana. Prapanujecca ŭnieści normu ŭ zakon ab rekłamie, pavodle jakoha huk u rekłamnych rolikach pavinien być nižejšy za siaredni huk telepieradačy na 10 decybiełaŭ.

Taksama prapanujecca skaracić rekłamny błok u prajm‑tajm z 18 da 16 chvilin za hadzinu. Akramia hetaha budzie vyznačany pramiežak času pamiž rekłamnymi błokami — nie mienš jak 12 chvilin.

Anonsy pieradač i filmaŭ prapanujecca raźmiaščać nie ŭ rekłamnym błoku, a pamiž pieradačami.

Pradstaŭnik Minhandlu adznačyła, što ŭ novaj redakcyi zakona ab rekłamie, pryniataha letaś, rehłamientujecca i praviadzieńnie rekłamnych hulniaŭ. Tak, zabaronienyja hulni, jakija stymulujuć popyt na ałkahol, słabaałkaholnyja napoi, leki, tytuniovyja vyraby. Zabaroniena praviadzieńnie televiktaryn, sms‑viktaryn, hulniaŭ z vykarystańniem srodkaŭ suviazi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?