Paśla šaści dzion Paralimpijady ŭ Vankuviery na rachunku biełaruskich spartsmienaŭ siem miedaloŭ — dva załatyja i piać bronzavych.

18 sakavika pryniesła pradstaŭnikam krainy jašče try ŭznaharody.

Spačatku Łarysa Varona stała treciaj u łyžnaj honcy na 5 km kłasičnym stylem dla spartsmienaŭ z parušeńniami aporna‑ruchalnaha aparata (stojačy). Zatym Ludmiła Vałčok pieršanstvavała na anałahičnaj dystancyi (siedziačy), a Dźmitryj Łoban atrymaŭ «bronzu» ŭ łyžnaj honcy na 10 km (siedziačy).

U ahulnym miedalovym zaliku Biełaruś (2, 0, 5) zajmaje siomaje miesca paśla Rasii (9, 12, 7), Hiermanii (8, 4, 2), Ukrainy (4, 5, 6), Kanady (4, 3, 3), Słavakii (3, 0, 1) i Aŭstryi (2, 2, 1). Razyhrana 36 z 64 kamplektaŭ uznaharod. Spabornictvy zavieršacca 21 sakavika.

Biełaruskija paralimpijcy ŭpieršyniu zavajavali bolš čym adzin załaty miedal na zimovych Hulniach. A

biedźvie ŭznaharody na rachunku Ludmiły Vałčok.

Na zimovaj Paralimpijadzie ŭ Turynie zbornaja Biełarusi zavajavała 9 uznaharod (1, 6, 2).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?