U dačynieńni da homielskaha kaardynatara pa stvareńni partyi »Biełaruskaja chryścijanskaja demakratyja» Jaŭhiena Jakavienki raspačata sprava za ŭchileńnie ad mierapryjemstvaŭ pryzyvu na vajskovuju słužbu (art. 435 KK).

Jak paviedamiŭ Jakavienka, 19 sakavika jaho vyklikali pa poźvie ŭ AUS Centralnaha rajona Homiela i paviedamili ab raspačynańni spravy.

Jakavienka pryciahvaŭsia sudom Savieckaha rajona da administracyjnaj adkaznaści za niajaŭku ŭ vajenkamat pa poźvie — 11 lutaha jon byŭ aštrafavany na 5 bazavych vieličyń. Ale 13 sakavika Homielski abłasny sud admianiŭ hetaje rašeńnie rajsuda. Aktyvist patrabuje znosinaŭ ź im i dziełavoj pierapiski na biełaruskaj movie, a taksama realizacyi jaho kanstytucyjnaha prava na alternatyŭnuju słužbu. Na sudzie jon patłumačyŭ, što patrabavaŭ pozvaŭ na biełaruskaj movie, ale navat na ruskaj movie jon pozvaŭ nie atrymlivaŭ. Na razhladzie kasacyjnaj skarhi Jakavienka patłumačyŭ, što ŭ adpaviednaści z zakonam ab movach, jon jak hramadzianin nie abaviazany vałodać dźviuma dziaržaŭnymi movami, a voś dziaržsłužačyja — abaviazanyja.

«Tym nie mienš, faktyčna mianie, prostaha hramadzianina, abvinavačvajuć u tym, što ja nie vałodaju ruskaj movaj. I ŭ toj ža čas nichto nie pryciahvaje da adkaznaści sudździu Savieckaha suda, jakaja admoviłasia vieści praces na biełaruskaj movie i zaprasiła dla hetaha pierakładčyka. Chacia jana abaviazanaja viedać dźvie dziaržaŭnyja movy», — padkreśliŭ Jakavienka.

Pavodle jaho słoŭ, abłasny sud źviarnuŭ uvahu, što pryzyŭnika sudzili pa administracyjnym artykule »niajaŭka pa poźvie», chacia pozvy jak takoj nie było. Administracyjnaja sprava nakiravanaja na novy razhlad u sud Savieckaha rajona, ale ŭ inšym składzie suda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?