19 sakavika ŭ piatnicu stała viadoma, što ŭ dačynieńni da Jaŭhiena Jakavienki z Homiela była raspačataja kryminalnaja sprava pavodle art. 435 KK RB («uchileńnie ad mierapryjemstvaŭ pa pryzyvu na vajskovuju słužbu»). U paniadziełak 22 sakavika małady čałaviek znoŭ vyklikajecca śledčym Centralnaha RUUS Homiela Volhaj Šupikavaj, hetym razam užo ŭ jakaści abvinavačanaha.

Nahadajem, 25-hadovy hamialčanin Jaŭhien Jakavienka trojčy źviartaŭsia ŭ pryzyŭnuju kamisiju h. Homiela z zajavaj dać jamu mahčymaść realizavać prava na alternatyŭnuju słužbu. Usie try razy jamu było admoŭlena.

11 lutaha 2010 h. Jakavienka byŭ asudžany sudom Savieckaha rajonu za niajaŭku na mierapryjemstvy pryzyvu na vajskovuju słužbu pavodle art. 25.1.3 KaAP RB. Sudździa Alena Dzičkoŭskaja, razhledzieŭšy spravu, pryznała Jaŭhiena Jakavienka vinavatym i vyniesła rašeńnie ab nakładańni administracyjnaha štrafu ŭ pamiery piaci bazavych vieličyń (175 tysiač rubloŭ).

12 Sakavika Homielski abłasny sud admianiŭ rašeńnie suda Savieckaha rajona i nakiravaŭ spravu na novaje razhlad.

U vypadku pieradačy materyjałaŭ spravy ŭ sud maładomu čałavieku pahražaje da 2 hadoŭ pazbaŭleńnia voli.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?