Hurt «Try plus dva» pamianiaŭ pieśniu, ź jakoj vystupić na mižnarodnym konkursie «Jeŭrabačańnie‑2010» u Osła (Narviehija).

Pra heta na pres‑kanfierencyi 19 sakavika ŭ Minsku paviedamiŭ pieršy namieśnik staršyni praŭleńnia ZAT «Druhi nacyjanalny telekanał» (ANT) Siarhiej Chomič.

Pavodle jaho słoŭ, hurt vyjdzie na scenu «Jeŭrabačańnia» z kampazicyjaj Butterflies («Matylki»), muzyku da jakoj napisaŭ rasijski pradziusier Maksim Fadziejeŭ, słovy — polskaja paetka Malka Čaplin. Chomič nahadaŭ, što raniej kalektyŭ płanavaŭ prezientavać na konkursie pieśniu Far away, ź jakoj hrupa padała zajaŭku na nacyjanalny adboračny tur «Jeŭrabačańnia».

«My nie byli całkam zadavoleny pieśniaj, adčuvali jaje słabyja miescy, — skazaŭ Chomič. — I da apošniaha momantu zajmalisia pošukami novaj kampazicyi». Pavodle jaho słoŭ, hurtom «Try plus dva» zacikaviłasia studyja Maksima Fadziejeva. Jon paviedamiŭ, što novaja konkursnaja kampazicyja była zapisana ŭ Maskvie za vielmi karotki termin — praca nad joj pačałasia 10 sakavika. Prasoŭvańniem biełaruskich udzielnikaŭ «Jeŭrabačańnia» ŭ dalejšym buduć zajmacca dźvie kamandy — telekanał ANT i studyja Fadziejeva.

Fadziejeŭ nie zmoh pryjechać na pres‑kanfierencyju, adnak pieradaŭ videazvarot dla žurnalistaŭ. Havoračy pra konkursnuju pieśniu, jon zaŭvažyŭ, što heta «reč himnavaha tonu — prosta i pa sercy». Što da sceničnaha numara, jon skazaŭ, što na konkursie «chočacca pryhoža vystupić».

«My chočam ich pastavić u pryhožych sukienkach, pryhožych, dahledžanych, i prosta pryhoža śpieć,
— skazaŭ jon. — Ničoha nie pavinna ŭzryvacca na scenie. Skandałaŭ ni pierad, ni paśla konkursu nie budzie».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?