Biełaja sava z hadavalnika ŭ brytanskim hrafstvie Kient navučyłasia katacca na skiejtbordzie.

Zdolnaści ptuški pa mianušcy Ełbi byli vyjaŭlenyja, kali haspadar hadavalnika prynios jaje ŭ miascovy handlovy centr, kab sabrać achviaravańni na ŭtrymańnie ptušak.

Pavodle 73‑hadovaha Brajana Maksteda, padletak sa skiejtbordam spyniŭsia pahladzieć na ptušku dy pastaviŭ došku na padłohu pobač z Ełbi. Sava pračnułasia, imhnienna ŭskočyła na došku, i padletak pavioz jaje katacca.

Ełbi tak spadabałasia katacca, što Maksted nabyŭ dla jaje ŭłasny skiejt.

Ptuška vypracavała ŭłasnuju techniku kiravańnia srodkam pieramiaščeńnia: jana nalataje na došku źvierchu i šturchaje jaje, a zatym manieŭruje z dapamohaj kryłaŭ.

Kali skiejt spyniajecca, Ełbi ŭźlataje, robić niekalki kołaŭ vakoł doški i znoŭ šturchaje jaje. Zdolnaści Ełbi pryciahvajuć u hadavalniku šmat naviedvalnikaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?