Spravu adpravili na dapracoŭku. Pra heta žurnalistcy siońnia paviedamili ŭ sudzie Centralnaha rajonu stalicy.

Julija Daraškievič.

Julija Daraškievič.

24 sakavika ŭ sudzie Centralnaha rajonu pavinna była razhladacca sprava ŭ dačynieńni da fotakarespandenta haziety «Naša Niva» Julii Daraškievič. Jaje vinavaciać u źbićci milicyjanta i niepadparadkavańni supracoŭnikam pravaachoŭnych orhanaŭ. 19 sakavika žurnalistcy patelefanavali z suda i paviedamili, što sudovaje pasiedžańnie pieranosicca. Pryčyna — materyjały spravy nakiravali na dapracoŭku, paviedamiła Julija Daraškievič.

Nahadajem, što 16 lutaha 2010 h. fotakora NN zatrymali, kali jana zdymała akcyju salidarnaści z palitviaźniami na Kastryčnickaj płoščy. Pry hetym u Julii adabrali žurnalisckaje paśviedčańnie i źvinavacili jaje ŭ źbićci milicyjanta. U toj viečar žurnalistku pratrymali try hadziny ŭ pastarunku i adpuścili biez składańnia pratakołu. Roŭna praź miesiac, 16 sakavika, jaje aznajomili z dvuma administracyjnymi pratakołami. Zhodna ź pieršym, žurnalistku vinavaciać u niepadparadkavańni supracoŭnikam milicyi pry sprobie advieści jaje ŭ słužbovy aŭtobus dla taho, kab dastavić u RUUS Centralnaha rajonu (art. 23.4 KaA RB). Pavodle druhoha pratakoła Julii zakidajuć naŭmysnaje naniasieńnie lohkich cialesnych paškodžańniaŭ supracoŭniku milicyi Vosipavu V.V.

Pavodle hetych abvinavačańniaŭ žurnalistcy pahražaje štraf abo administracyjny aryšt.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?