Eduard Zankaviec, fota gazetaby.com

Eduard Zankaviec, fota gazetaby.com

5 krasavika prajšło pasiadžeńnie vykankama Fiederacyi chakieja Biełarusi. Na im było pryniata rašeńnie, što na čempijanat śvietu pa chakiei, jaki projdzie ŭ traŭni ŭ Niamieččynie, zbornuju paviazie kvartet trenieraŭ z Uładzimiram Cypłakovym, Andrejem Husavym, Alaksandram Andryjeŭskim dy Eduardam Zankaŭcom na čale.

Mahčyma, u trenierski štab uvojdzie kanadski śpiecyjalist Dejv Ljuis.

Michaił Zacharaŭ, jaki kiravaŭ zbornaj na Alimpijskich hulniach u Vankuviery, taksama byŭ u liku kandydataŭ na pasadu treniera, ale pakolki jon raniej padpisaŭ pahadnieńnie z ukrainskaj fiederacyjaj chakieju ab pracy sa zbornaj hetaj krainy na čempijanacie śvietu ŭ pieršym dyvizijonie čempijanatu śvietu, tamu jon nie budzie ŭvachodzić u trenierski štab biełaruskaj kamandy, zajaviŭ padčas pasiadžeńnia Fiederacyi chakieja Biełarusi jaje staršynia Jaŭhien Vorsin.

***

Zankaŭcu – 40 hadoŭ. Hulcom jon vystupaŭ na pazicyi forvarda. U 1993 hodzie byŭ pryznany najlepšym chakieistam Biełarusi. U 50 matčach za zbornuju jon zakinuŭ 22 šajby.

Pa skančeńni karjery pierajšoŭ trenierskuju pracu. Kiravaŭ minskim «Dynama», byŭ asistentam Hlena Chenłana i Kurta Frejziera ŭ čas ich pracy z nacyjanalnaj zbornaj, kiravaŭ moładzievaj zbornaj. Zaraz uvachodzić u trenierski štab picierskaha SKA, dadaje Salidarnaść.

***

Na čempijanacie śvietu biełarusy vystupiać u hrupie «A» razam sa zbornymi Kazachstana (matč 9 traŭnia), Słavakii (11 traŭnia) i Rasii (13 traŭnia).

Darečy, u trenierski štab słavakaŭ uvachodzić eks-trenier zbornaj Biełarusi Hlen Chenłan.

U nastupny etap vychodziać try zbornyja. Prykładam, try kamandy z hrupy «A» utvorać adnu hrupu z kamandami z hrupy «D» (Finlandyja, ZŠA, Hiermanija, Danija). U adnakruhavy turnir tut vyznačacca čatyry ŭdzielniki čverćfinałaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0