Padčas pavodki Ministerstva achovy zdaroŭja rekamienduje nie ŭžyvać biez hatavańnia vadu z šachtavych kałodziežaŭ.

Pra heta paviedamiła 5 krasavika na pres‑kanfierencyi ŭ Minsku namieśnik ministra achovy zdaroŭja, hałoŭny dziaržaŭny sanitarny doktar Biełarusi Valancina Kačan.

Pavodle jaje słoŭ, padčas pavodki nieabchodna vadu z kałodziežaŭ hatavać abo nabyvać butylavanuju vadu. Paśla zaviaršeńnia pavodki patrabujecca ačystka kałodzieža z vykanańniem usich sanitarnych patrabavańniaŭ i jaho chłaravańnie, pry nieabchodnaści varta pravieści łabaratornyja daśledavańni vady. Pavodle słoŭ Kačan, sanitarnyja słužby raspaŭsiudzili siarod sielskich žycharoŭ napamin ab pryviadzieńni kałodziežaŭ u paradak paśla pavodki.

Namieśnik ministra padkreśliła, što prablema biaśpieki pitnoj vady zastajecca aktualnaj va ŭsim śviecie. Pavodle acenki Suśvietnaj arhanizacyi achovy zdaroŭja, kali mienš čym 5% pitnoj vady nie adpaviadaje pa bakteryjałahičnych pakazčykach sanitarnym patrabavańniam, kraina ličycca spryjalnaj pa pakazčyku biaśpieki vady. U Biełarusi adchileńni pa bakteryjałahičnych pakazčykach adznačajucca ŭ 2—3% probaŭ vady. Najbolšaj prablemaj źjaŭlajecca zabieśpiačeńnie sielskaha nasielnictva vadoj z šachtavych kałodziežaŭ, jakaść jakoj nie zaŭsiody adpaviadaje ŭstanoŭlenym narmatyvam.

Jak paviedamiła Kačan, u nastupnuju piacihodku ŭ ramkach prahramy «Čystaja vada» praduhledžana zabieśpiačeńnie vadoj z padziemnych krynic ahraharadkoŭ, u šerahu ź ich buduć pabudavany stancyi abiezžalezvańnia. Razam z tym namieśnik ministra pryznała, što ŭsie nasielenyja punkty ŭ sielskaj miascovaści na vodazabieśpiačeńnie z padziemnych krynic pieravieści nie atrymajecca, škoły i dziciačyja sadki ŭ takich vioskach zabiaśpiečvajucca butylavanaj vadoj. Akramia taho, isnuje sistema hramadskich šachtavych kałodziežaŭ, jakija znachodziacca na abaviazkovym uliku. U ich pravodziacca prafiłaktyčnyja mierapryjemstvy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?