Praciahvać udzieł u miascovych vybarach nieabchodna dla prapahandy demakratyčnych kaštoŭnaściaŭ. Pra heta zajaviŭ staršynia Biełaruskaj partyi levych «Spraviadlivy śviet» Siarhiej Kalakin.

Nahadajem, demakratyčnyja partyi i ruchi Biełarusi vystupili z sumiesnaj zajavaj pra adsutnaść padstaŭ dla pryznańnia ciapierašniaj vybarčaj kampanii adpaviednaj standartam svabodnych i spraviadlivych vybaraŭ. «Vybaraŭ u Respublicy Biełaruś pa‑raniejšamu niama», — padkreślivajecca ŭ dakumiencie.

Adnak Kalakin paviedamiŭ, što partyja «Spraviadlivy śviet» nie źbirajecca admaŭlacca ad dalejšaha ŭdziełu ŭ vybarach.

«Praktyka praviadzieńnia vybaraŭ u Biełarusi nie dazvalaje sumlenna zmahacca za deputacki mandat. Ale my ličym nieabchodnym pradoŭžyć svoj udzieł u vybarach dla prapahandy partyjnych pohladaŭ», — skazaŭ Kalakin.

Jon taksama padkreśliŭ, što partyja žadaje «viarnuć sabie paznavalnaść». «Pra isnavańnie Partyi kamunistaŭ Biełaruskaj viedali 65% nasielnictva. Paśla pierajmienavańnia ŭ Biełaruskuju partyju levych «Spraviadlivy śviet» naša paznavalnaść źniziłasia na 40%», — rastłumačyŭ Kalakin.

Z zajavaj pra admovu ad udziełu ŭ miascovych vybarach vystupiła Abjadnanaja hramadzianskaja partyja.

Pra namier pradoŭžyć udzieł u vybarach zajavili pradstaŭniki ruchu «Za Svabodu», arhkamiteta pa stvareńni partyi «Biełaruskaja chryścijanskaja demakratyja».

Arhkamitet Biełaruskaj sacyjał‑demakratyčnaj partyi (Narodnaja Hramada) dazvoliŭ svaim pradstaŭnikam samastojna prymać rašeńnie nakont praciahu ci admovy ad udziełu ŭ vybarčaj kampanii.

Partyja BNF zaklikała svaich pradstaŭnikoŭ pradoŭžyć udzieł u vybarach dla rastłumačeńnia pazicyi partyi pa najbolš važnych sacyjalna‑ekanamičnych i palityčnych pytańniach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?