Rekłamnyja ščyty ahitacyjnaj kampanii «Spyni spusk!» u Ńju-Jorku.

Rekłamnyja ščyty ahitacyjnaj kampanii «Spyni spusk!» u Ńju-Jorku.

Złučanyja Štaty Amieryki sutykajucca z surjoznymi vyklikami cučasnaści: prablemami reformy sistemy achovy zdaroŭja, prablemaj vyvadu vojsk z Afhanistanu… A voś u sienatara ad štatu Ńju-Jork Eryka Adamsa, vydaje na toje, jość bolšaja tryvoha — vyšynia, da jakoj padniatyja štany na nahach maładzionaŭ.

Mienavita Adams inicyjatar rekłamnaj kampanii, jakaja pačałasia hetymi dniami ŭ ńju-jorskim kvartale Bruklin pad słohanam Stop The Sag/«Spyni spusk!». Sienatar vystupiŭ suprać zaviadzionki niadbałaha našeńnia štanoŭ, jakoje ŭ apošnija hady zrabiłasia pašyranym zvyčajam siarod amierykanskich padletkaŭ, dy asabliva ŭ čornaj hramadzie. Moda pačałasia jak pierajmańnie turemnaha zvyčaja. Čałaviek, jaki ŭ turmie hetak nosić štany, maje vyhlad čałavieka, jaki prydbaŭ «vuličnuju mudraść».

U ahitacyjnym roliku sienatar Adams źviartajecca da amierykanskich mužčyn i padletkaŭ: «Kali vy chočacie padniać svoj honar, padymicie štany».

Adams, palicyjant u adstaŭcy, nie adziny, chto padachvociŭsia vystupić suprać jak na jaho zahannych moładzievych trendaŭ. Daprykładu hramadski dziejač Łary Fłet taksama vystupiŭ na pieradačy American Idol (anałah rasijskaj «Fabryki zorak»), prapiajaŭšy ŭ prajm-tajmie pieśniu Pants on the Ground/«Nahavicy na ziamli». Prezident ZŠA Barak Abama taksama vykazaŭsia pa hetaj temie i zaznačyŭ, što «jość ludzi, jakija nie žadajuć bačyć vašyja majtki, dy ja adzin ź ich».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?