Padčas vyviaržeńnia vułkanu popieł padymaŭsia na vyšyniu 6 km.
Jak paviedamiŭ «NN» kiraŭnik Respublikanskaha avijamietereałahičnaha centra Aleh Aŭdziejčyk, vierahodnaść hetaha vielmi vialikaja.«Raspaŭsiudžvańnie vułkaničnaha popiełu nad Jeŭropaj adsočvaje Łondanski mietereahičny centr. Pavodle jaho prahnozaŭ, siońnia ŭ Biełarusi budzie čystaje nieba. Nastupny prahnoz pa našaj krainie čakajecca zaŭtra a 16-aj hadzinie, adnak užo zaraz možna skazać, što vierahodnaść źjaŭleńnia nad Biełaruśsiu vułkaničnaha pyłu ź Isłandyi vielmi vialikaja» – adznačyŭ A.Aŭdziejčyk.
Siońnia stała viadoma, što vobłaka vułkaničnaha popiełu nakryła dźvie traciny terytoryi Litvy, a taksama źjaviłasia na poŭnačy Rasii.
Nahadajem, što paśla taho, jak u sieradu adbyłosia vyviaržeńnie vułkana, jaki raźmieščany kala lednika Ejiafjałajiekiul za 200 km na ŭschod ad Rejkjavika, dym padymaŭsia na vyšyniu 6 tys. mietraŭ. Patoki raspalenaj łavy častkova rastapili ledavik, što vyklikała pavodki. Uładam krainy daviałosia evakujavać ź bližejšych viosak ad 700 da 800 čałaviek. Ciapierašniaje vyviaržeńnie — užo druhoje za apošnija niekalki tydniaŭ. Vułkan spaŭ da hetaha 200 hadoŭ.
Vyviaržeńnie vułkana pryviało da admieny ŭsich avijarejsaŭ ŭ Brytanii, Skandynavii i inšych krainach Zachodniaj Jeŭropy. Jeŭrapiejskija avijacyjnyja ŭłady niepakojacca, što vobłaka vułkaničnaha popiełu moža paškodzić ruchaviki samalotaŭ.
