U Viarchoŭnym sudzie Biełarusi praciahvajucca słuchańni pa hetak zvanaj spravie Mikałaja Aŭtuchoviča.
Siońnia pavodle chadajnictva Mikałaja Aŭtuchoviča dla paŭtornaha dopytu ŭ sud byŭ vyklikany śviedka Kazimir Vialesik. Jamu pradjavili abrez karabina, jaki jon nibyta pryvioz Aŭtuchoviču i jaki nibyta mierkavałasia vykarystać dla zamachu na byłoha staršyniu Haradzienskaha abłvykankama Uładzimira Saŭčanku.
Śviedka ahledzieŭ abrez, jaki znachodziŭsia ŭ rečavych dokazach pa spravie, i nie paznaŭ jaho, skazaŭ, što heta nie toj abrez: maŭlaŭ, peŭnyja prykmiety nie supadajuć.
Mikałaj Aŭtuchovič taksama śćviardžaje, što heta abrez nie toj vintoŭki, ź jakoj jon sapraŭdy stralaŭ kaliści ŭ lesie. Jon zajaviŭ, što nasamreč tuju vintoŭku daŭno vykinuli, a śledstvu spatrebiłasia sfalšavać dokazy, i ŭ rečavyja dokazy padkinuli abrez inšaj vintoŭki, kab abvinavacić Aŭtuchoviča ŭ padrychtoŭcy da teraktu.
