Tempieraturny fon u pieršaj pałavinie krasavika ŭ Biełarusi na 2‑8 hradusaŭ pieravyšaŭ klimatyčnuju normu.
Takoje ciopłaje nadvorje ŭ hety čas byvaje ŭ apošnija dziesiacihodździ adzin raz u piać hadoŭ. Pra heta paviedamiła hałoŭny sinoptyk Respublikanskaha hidramieteacentra Volha Fiadotava.
Adnak u bližejšyja dni charaktar nadvorja źmienicca.
Pad upłyvam atmaśfiernych frantoŭ, što pieramiaščajucca z Zachodniaj Jeŭropy, hetaj nočču na značnaj častcy terytoryi krainy, a dniom pieravažna pa ŭschodniaj pałavinie projduć daždžy. Tempieratura pavietra ŭnačy składzie 1‑7 hradusaŭ ciapła,
dzionnaja nie pieravysić plus 6‑12 hradusaŭ.
Paŭdniovy viecier źmienicca na paŭnočna‑zachodni.
U niadzielu, 18 krasavika, na terytoryju Biełarusi znoŭ raspaŭsiudzicca bolš ciopłaja pavietranaja masa z Zachodniaj Jeŭropy. Karotkačasovyja daždžy čakajucca tolki ŭ paŭnočnych rajonach. Unačy i ranicaj dzie‑nidzie mahčymy tuman. Načnaja tempieratura pavietra čakajecca ŭ miežach ad 2 hradusaŭ marozu da 5 hradusaŭ ciapła. Dniom pavietra prahrejecca da
10‑17 hradusaŭ.
U pačatku nastupnaha tydnia atmaśfierny front abumović daždžy pa poŭnačy krainy, a dniom — miescami pa respublicy. Tempieratura pavietra ŭ noč na paniadziełak, 19 krasavika, składzie ad nula da 7 hradusaŭ ciapła. Dniom jana budzie vahacca ad 8 hradusaŭ ciapła pa paŭnočnym zachadzie krainy da 18 hradusaŭ vyšej za nul pa paŭnočnym uschodzie.
Bližej da siaredziny tydnia stanie bolš choładna. Časam buduć iści daždžy, unačy i ranicaj dzie‑nidzie mahčymy mokry śnieh.
Načnaja tempieratura budzie znachodzicca ŭ miežach ad minus 4 da plus 4 hradusaŭ. Dniom jana składzie 6‑13 hradusaŭ ciapła.
