Alaksandr Łukašenka daručyŭ usim dziaržaŭnym srodkam masavaj infarmacyi ŭ niadzielu, 18 krasavika, u suviazi z pachavańniem prezidenta Polščy Lecha Kačynskaha i inšych zahinułych 10 krasavika ŭ vyniku avijakatastrofy pad Smalenskam abmiežavać tranślacyju zabaŭlalnych prahram z 12.00 da 18.00.
Pra heta paviedamili ŭ pres‑słužbie biełaruskaha lidera.
Kiraŭnik dziaržavy prapanavaŭ niedziaržaŭnym ŚMI taksama pierahledzieć sietku svajho viaščańnia ŭ hetyja hadziny.
U 15:40 u niadzielu na BT pakaz filma Andžeja Vajdy «Katyń».
Biełaruskuju delehacyju na pachavańni Lecha Kačynskaha i jaho žonki Maryi ŭ Polščy ŭznačalić staršynia savieta respubliki nacyjanalnaha schoda Barys Batura.
