Fota Andreja Lankieviča.
U Hrodna pačali vyvučać popyt baćkoŭ na adkryćcio biełaruskamoŭnych hrup u dziciačych sadkach, piša «Viačerni Hrodna». Hrupu mahčyma budzie arhanizavać u tym vypadku, kali ŭ sadkach naźbirajecca da 15 asob va ŭzroście ad 2-ch da 3-ch hadoŭ, ci 20 dzietak, starejšych za try hady. «Pakul my vyvučajem popyt. Zapisvajem achvočych. U zaležnaści ad taho, jakija atrymajem dadzienyja, budzie vyrašacca, jak dziejničać dalej», — paviedamiła hałoŭny śpiecyjalist adździeła adukacyi Leninskaha rajona Śviatłana Mialeška. U dziciačy sadok №101, dzie zahadčycaj pracuje aŭtarka zbornika «Vyvučajem rodnuju movu z Bulbašykam», užo pastupili dźvie zajavy ad baćkoŭ.
Kantakty dla achvočych u Hrodnie: vuł. Savieckaja, 14 (adździeł adukacyi administracyi Leninskaha rajona), teł. 74-07-85; vuł.Haharyna, 37 (adździeł adukacyi administracyi Kastryčnickaha rajona), teł. 52-05-65.
A ŭ Mahilovie 23 krasavika buduć razhladacca pierśpiektyvy adkryćcia biełaruskamoŭnaha kłasa, paviedamiła «Radyjo Svaboda». Z hetaj nahody ŭ himnazii №3 adbudziecca sustreča zacikaŭlenych baćkoŭ i čynoŭnikaŭ ad adukacyi.
Na siońnia ŭ Mahilovie dziejničaje adna biełaruskamoŭnaja hrupa ŭ dziciačym sadku №81, jakuju naviedvajuć piaciora dzietak. Apošni biełaruskamoŭny kłas tut skončyŭ navučańnie 6 hadoŭ tamu.
