Zaŭtra Biełaruś moža nakryć vobłaka vułkaničnaha popiełu. Ci heta niebiaśpiečna dla zdaroŭja ludziej? Na pytańni radyjo "Svaboda" adkazvaje hałoŭny klimatołah Biełarusi Pavieł Kaŭryha.

Raniej taksama byli vyviaržeńni ŭ Iślandyi. Čamu ciapier taki efekt, u pryvatnaści, na avijacyjnyja znosiny?

Kaŭryha: Zaraz heta prajaviłasia ŭ spałučeńni z metearalahična-pahodnymi ŭmovami. Zaraz ustalavaŭsia ŭstojlivy zachodni pieranos pavietranych masaŭ. I jak raz takoje spałučeńnie pryviało da taho, što šlejf vulkanahiennych vykidaŭ (hazy, pył) pryniaŭ ustojlivy napramak na ŭschod. Jon moža raźviejacca i źniknuć niedzie ŭ Arktycy, kali nia budzie papaŭniacca novymi materyjałami z hetaha vulkanu.

Jakim moža być uździejańnie vulkaničnaha popiełu na zdaroŭje ludziej? Ci moža jon być realna niebiaśpiečny?

Kaŭryha: Sapraŭdy, heta vielmi niebiaśpiečna. Hetyja pradukty vyviaržeńnia raspaŭsiudžvajucca ŭ pavietry i vielmi škodnyja, bo vulkanahiennyja. Akramia taho,

hazy, jakija vykidvajucca na takim atamarna-malekularnym uzroŭni, pieravažna siarnistyja (dyjaksid siery, sieravadarod, sieravuhlarod). I jany ŭ atmasfery ŭstupajuć u reakcyju z kropielkami vady i pieraŭtvarajecca ŭ siernuju kisłatu. I hetyja, utvoranyja ŭžo ŭ atmasfery novyja chimičnyja spałučeńni, vielmi škodnyja. Kisłotnyja daždžy taksama źviazanyja z hetymi vykidami. Asabliva niebiaśpiečna znachodzicca na adkrytaj miascovaści na vulicy, u nasielenym punkcie ŭ čas vypadzieńnia apadkaŭ.
Tamu što apadki pramyvajuć atmasferu, zachoplivajuć kropielki vady i patraplajuć na cieła čałavieka. Kali jany buduć udychacca, heta jašče dadatkovaja škoda. Niesumnienna, što heta niebiaśpiečnaja źjava dla ludziej.

Źjaviłasia infarmacyja, što na terytoryi šerahu krain, u tym liku Biełarusi, mohuć prajści kisłotnyja daždžy. Ci tak heta?

Kaŭryha: Tak, sapraŭdy tak.

Što rabić u hetaj sytuacyi?

Kaŭryha: Asabliva varta pryniać achoŭnyja miery pry mahčymym vypadzieńni apadkaŭ. Treba kab u takich miescach dziaržaŭnyja słužby davali infarmacyju ludziam pra kancentracyju i niebiaśpiečnuju kancentracyju, što pieraŭzychodzić krytyčnyja pamiery, kali čałaviek moža adčuvać siabie vielmi drenna. Asabliva meteazaležnyja. Pavinna pastupać rehularnaja infarmacyja. Tady luby čałaviek budzie razumieć, što

ŭ čas vypadzieńnia apadkaŭ uvohule nielha znachodzicca na adkrytaj miascovaści pry pavyšanych dalach kancentracyi vulkanahiennych hazaŭ taksama, navat biez vypadzieńnia daždžu ci inšych formaŭ apadkaŭ.
Ale pakul takoj navukova abhruntavanaj infarmacyi my nia bačym. Jana pakul čysta žurnalisckaja.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?