Chmara dasiahnuła Biełarusi ŭ piatnicu, i za subotu nakryje ŭsiu terytoryju krainy. Popieł moža zastacca nad krainaj dvoje sutak.

Prahnozny stan vułkaničnaj chmary ŭ noč ź piatnicy na subotu.Čornyja zony - chmara. Žoŭtaja - apadki popiełu. Čyrvonaja - apadki popiełu z daždžom.Źviestki hidramietcentra Narviehii.

Prahnozny stan vułkaničnaj chmary ŭ noč ź piatnicy na subotu.
Čornyja zony - chmara. Žoŭtaja - apadki popiełu. Čyrvonaja - apadki popiełu z daždžom.
Źviestki hidramietcentra Narviehii.

Prahnozny stan vułkaničnaj chmary na 18.00 suboty.Čornyja zony - chmara. Žoŭtaja - apadki popiełu. Čyrvonaja - apadki popiełu z daždžom.Źviestki hidramietcentra Narviehii.

Prahnozny stan vułkaničnaj chmary na 18.00 suboty.
Čornyja zony - chmara. Žoŭtaja - apadki popiełu. Čyrvonaja - apadki popiełu z daždžom.
Źviestki hidramietcentra Narviehii.

 Padčas vyviaržeńnia vułkana słup popiełu ŭźniaŭsia na vyšyniu 6 km.

Padčas vyviaržeńnia vułkana słup popiełu ŭźniaŭsia na vyšyniu 6 km.

Asabliva niebiaśpiečnym vułkaničny doždž moža być dla asobaŭ z chraničnymi reśpiratornymi zachvorvańniami i astmatykaŭ, papiaredžvajuć daktary z Suśvietnaj arhanizacyi achovy zdaroŭja.
Popieł zbolšaha kremnievy, ale ŭ im prysutničaje taksama siera i ftor, złučeńni jakich mohuć być niebiaśpiečnymi dla zdaroŭja. Vykidy ź isłandskich vułkanaŭ u minułych stahodździaŭ pryvodzili da pamorak bydła i ludskich achviaraŭ u Jeŭropie. Adnak sioletniaje vyviaržeńnie pakul nie takoje mahutnaje. Zrešty, kanca aktyŭnaść vułkana Ejiafjałajiekiul pakul nie vidno. Apošnija dva dni isłandskija vułkanołahi nazirali ŭzmacnieńnie jaho aktyŭnaści.

Zhodna z raźlikami narviežskich mietearołahaŭ, zasnavanymi na źviestkach łondanskaha instytuta Volcanic Ash Advisory, chmara vułkaničnaha popiełu dasiahnuła zachadu biełaruskaje terytoryi ŭ piatnicu ŭviečary. Unačy ź piatnicy na subotu jana budzie prasoŭvacca na ŭschod Biełarusi. Paśla hetaha jano nakryje jaje, i ŭtrymajecca nad Biełaruśsiu prynamsi ŭ niadzielu.

Jak paviedamiŭ «NN» kiraŭnik Respublikanskaha avijamietereałahičnaha centra Aleh Aŭdziejčyk, vierahodnaść hetaha vielmi vialikaja.

My budziem nazirać niezvyčajnych koleraŭ zachad sonca, a kali vyviaržeńnie zaciahniecca, nastupny hod moža stać chałodnym.

U piatnicu vobłaka vułkaničnaha popiełu nakryła Polšču amal całkam, akramia jaje paŭdniova-ŭschodniaha kutočka, a taksama terytoryi Litvy, častkova Łatvii, źjaviłasia i na poŭnačy Rasii.

Tolki 11 000 z 27 000 jeŭrapiejskich avijarejsaŭ startavali ŭ piatnicu.

U aeraporcie Frankfurta ŭ vułkaničnuju pastku trapiŭ i redaktar NN Andrej Dyńko. Jamu pryjšłosia adstajać 11 hadzinaŭ u čerhach, kab vymieniać avijakvitok da Mienska na čyhunačny. U Frankfurcie, najbolšym aeraporcie Niamieččyny, panavała razhublenaść. Jaho zakryli a 6.30 ranku piatnicy. Samaje prykraje dla pasažyraŭ i pieravozčykaŭ -- nichto nie moža dakładna sprahnazavać ruch chmary i čas pierapynku ŭ ruchu. Najbolš paciarpieli tyja, chto čakaje mižkantynientalnych pieralotaŭ. Čerhi vyciahnulisia na sotni mietraŭ,
usie hateli zapoŭnienyja tranzitnymi pasažyrami. Supracoŭniki avijakampanijaŭ razdavali tranzitnym pasažyram vadu i sałodkija batončyki, a taksama vaŭčary na abiedy i adpačynak. Prynamsi niekalki čałaviek samleli ŭ čerhach.
U Niamieččynie na viečar piatnicy pracavaŭ tolki aeraport Miunchiena na poŭdni. Ź mierkavańniaŭ biaśpieki samalot kanclerki Niamieččyny Anhieły Merkiel, jakaja viartałasia z ZŠA, pryziamliŭsia ŭ Lisabonie (Partuhalija). A 18.00 zakryŭsia aeraport Vieny (Aŭstryja). U piatnicu byli zakrytyja taksama pavietranyja varoty Polščy, Čechii, Bałharyi, krainaŭ Bałtyi. Ad čaćviarha pierapynienaja dziejnaść aeraportaŭ Skandynavii, Brytanii, Irłandyi, Bieniluksa, paŭnočnaj Francyi, paŭnočnaj Hiermanii.
Pry ciapierašniaj sile i kirunku vietru chmara moža pratrymacca nad poŭnačču Jeŭropy da dvuch sutak.

U piatnicu ŭviečary i ŭ subotu zranku majuć adnavić dziejnaść aeraporty Šatłandyi, častkova Irłandyi i Šviecyi, a paźniej — mahčyma, i Łondana. Cikava, što pavietranaja prastory Rejkjavika — stalicy Isłandyi — zastajecca čystaj. Vietry ad vułkana viejuć na paŭdniovy ŭschod, u inšym kirunku.

Samym papularnym žartam u anhłamoŭnym tvitery ŭ piatnicu było: «Isłandcy, my ŭ Vas prasili cash (hrošy), a Vy prysłali nam ash (popieł)»
 — z namiokam na niadaŭniaje bankructva isłandskich bankaŭ i admovu astraŭlanaŭ spłacić zapazyčanaści brytanskim i niderłandskim układčykam.

Nahadajem, što ŭ sieradu adbyłosia vybuchovaje vyviaržeńnie vułkana, jaki raźmieščany kala lednika Ejiafjałajiekiul za 200 km na ŭschod ad Rejkjavika. U vyniku na vyšyni 5–10 tys. mietraŭ uźnikła chmara vułkaničnaha popiełu, jaki raznosicca vietram. Patoki raspalenaj łavy častkova rastapili ledavik, što vyklikała pavodki. Uładam krainy daviałosia evakujavać ź bližejšych viosak 800 čałaviek. Ciapierašniaje vyviaržeńnie — užo druhoje za apošnija niekalki tydniaŭ. Vułkan spaŭ da hetaha 200 hadoŭ.

Vułkaničny popieł moža paškodzić ruchaviki samalotaŭ, tamu orhany zabieśpiačeńnia biaśpieki pavietranaha ruchu spynili avijapieraloty ŭ rajonach raspaŭsiudžvańnia popiełu. Adnak pa miery ŭśviedamleńnia, što krytyčnaja situacyja raściahvajecca nadoŭha, ułady niekalkich krainaŭ Jeŭropy ŭ subotu arhanizavali probnyja rejsy z tym, kab acanić upłyŭ isłandskaha vułkaničnaha popiełu na samaloty.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?